प्रशांत जगताप संपादक 9766445348
महाराष्ट्र संदेश न्युज ! ऑनलाईन हिंगणघाट:- हिंगणघाट शहरातील सामाजिक कार्यकर्त्या आणि आंबेडकरी चळवळीतील ऊर्जावान कार्यकर्त्या अनुताई सोमकुवर यांचा वाढदिवस मोठ्या उत्साहात साजरा करण्यात आला यावेळी विविध क्षेत्रांतील मान्यवर व मित्रपरिवार यांच्याकडून शुभेच्छांचा वर्षाव करण्यात आला.
अनुताई सोमकुवर या हिंगणघाट तालुक्यातील आंबेडकरी चळवळीतील प्रमुख महिला कार्यकर्ता आहे. डॉ.बाबासाहेब आंबेडकर यांच्या विचारांवर आस्था व निष्ठा ठेवून परिवर्तनवादी चळवळीत सहभागी होऊन डॉ.आंबेडकर यांच्या स्वप्नातील प्रगतिशील आणि परिवर्तनशील विचार त्या आपल्या कार्यातून पेरत आहे. आणि ही चळवळ पुढे नेत आहे. जेव्हा समाजही चळवळीकडे न्याय व समतेसाठी आस लावून बसला आहे तेव्हा अनुताई सोमकुवर आपल्या योग्यतेनुसार योगदान देऊन बहुजनाच्या हक्कासाठी करण्यात येणाऱ्या आंदोलन, सभा, मोर्चे, साहित्य संमेलने, कवी संमेलने, चर्चासत्रे, प्रबोधनात्मक कार्यक्रमात हिहीरीने भाग घेऊन चळवळ गतिमान करण्यासाठी कार्य करत आहेत. निळ्या झेंड्याची अस्मिता प्राणपणाने जपणाऱ्या आंबेडकरी कार्यकर्त्याला प्रस्तापिताचे मनसूबे हाणून पाडण्यासाठी चळवळीची ताकद अनुताई सारख्या कार्यकर्त्या निर्माण करत आहे.
अनुताई सोमकुवर यांच्या वाढदिवसाच्या निमित्ताने आंबेडकरी विचार व कृती समितीचे कार्यकर्ते, आंबेडकरी चळवळीतील प्रमुख कार्यकर्ते त्यात दीपक कापसे, विजय तामगाडगे, विनय शंभरकर, शंकर मुंजेवार, प्रा. अस्मिता भगत, संध्या जगताप, राजू भगत, मयूर पाटील, महेंद्र वैद, नरेंद्र हाडके आदींसह राजकीय, शैक्षणिक, सामाजिक क्षेत्रासह विविध क्षेत्रांतील मान्यवर विविध सेवाभावी, सामाजिक संघटनेचे पदाधिकारी यांनी अनुताई सोमकुवर यांना वाढदिवसाच्या शुभेच्छा दिल्या.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348
