हनिशा दुधे चंद्रपूर जिल्हा ग्रामीण प्रतिनिधि मोबा. 9764268694
महाराष्ट्र संदेश न्युज ! ऑनलाईन बल्लारपूर:- जनता हायस्कूल (डेपो शाखा) बल्लारपूर या शाळेत राष्ट्रपिता महात्मा गांधी आणि माजी पंतप्रधान लाल बहादूर शास्त्री यांची जयंती साजरी करण्यात आली.
या कार्यक्रमाच्या अध्यक्षस्थानी बी. बी. भगत मुख्याध्यापक होते. यावेळी प्रमुख पाहुणे म्हणून आर. के. वानखेडे, आर. बी. अलाम उपस्थित होते. प्रथमता: उपस्थित मान्यवरांच्या हस्ते राष्ट्रपिता महात्मा गांधी आणि माजी पंतप्रधान लालबहादूर शास्त्री यांच्या फोटोला माल्यार्पण करून कार्यक्रमाची सुरुवात करण्यात आली.
यावेळी प्रमुख पाहुणे आर. बी. अलाम, आर. के. वानखेडे यांनी महात्मा गांधी आणि लाल बहादूर शास्त्री यांच्या जीवनपटावर मार्गदर्शन केले. अध्यक्षीय भाषण बी. बी. भगत मुख्याध्यापक यांनी केले. या कार्यक्रमात यु. के. रांगणकर, एस. एम. चव्हाण तसेच शिक्षकेतर कर्मचारी गणेश चंदावार बाबू, जगदीश कांबळे, वामन बोबडे, वाल्मीक खोंडे, सुरेश मोरे, इंद्रभान अडबाले सोबत विद्यार्थीगण उपस्थित होते. या कार्यक्रमाची सांगता विद्यार्थ्यांना चॉकलेट वाटप करून करण्यात आली.
