वैशाली गायकवाड, उपसंपादक पुणे
महाराष्ट्र संदेश न्युज ! ऑनलाईन पुणे:- येथून एक खळबळजनक घटना समोर आली आहे. ज्या पोलिसावर कायद्याचे रक्षण करण्याची जबाबदारी आहे. त्याच पोलिसांने कायद्याला काळीमा फासणारी घटना समोर आली आहे. हुंडा घेणे हा कायद्याने गुन्हा असताना देखील पोलीस कर्मचाऱ्याने कायदा पायाखाली तुडवुन हुंडा मागितला पण सासरच्या मंडळींनी हुंडा न दिल्यामुळे पत्नीला मारहाण करण्यात आल्याची घटना समोर आली आहे.
एका पोलीस कर्मचाऱ्याने लग्नामध्ये सासरच्या लोकांकडून ठरलेल्या 5 लाख रुपये हुंड्यापैकी एक लाख रुपये कमी दिल्याच्या कारणावरून आपल्याच पत्नीला वर्दीच्या बेल्टने बेदम मारहाण केली. या प्रकरणी अमरावती येथील राज्य राखीव पोलीस बल क्र.9 दलातील पोलीस कॉन्स्टेबल विरोधात विश्रांतवाडी पोलीस स्टेशन येथे गुन्हा दाखल करण्यात आला आहे. हा प्रकार जुलै 2022 ते ऑक्टोबर 2023 या दरम्यान आरोपीच्या राहत्या घरी घडला.
याबाबत विश्रांतवाडी येथे राहणाऱ्या पीडित 28 वर्षीय महिलेने विश्रांतवाडी पोलीस स्टेशन येथे सोमवारी ता. 25 फिर्याद दिली आहे. यावरुन सचिन राजकुमार खंडारे वय 29 वर्ष रा. रुपचंदनगर, वाशीम बायपास, ता. अकोला याच्यावर कौटुंबिक हिंसाचारापासून महिलांचे संरक्षण कायद्यांतर्गत गुन्हा दाखल केला आहे. याबाबत फिर्यादी यांनी विश्रांतवाडी पोलीस स्टेशन येते तक्रार अर्ज केला आहे.
मिळालेल्या माहितीनुसार, सचिन खंडारे हे अमरावती येथे राज्य राखीव पोलीस दलात पोलीस कॉन्स्टेबल म्हणून कार्यरत आहेत. तक्रारदार महिलेने दिलेल्या तक्रारीनुसार, सचिन खंडारे यांनी लग्नात पाच लाख रुपये हुंड्याची मागणी केली होती. त्यापैकी चार लाख रुपये लग्नाच्यावेळी खंडारे यांना देण्यात आले होते. परंतु एक लाख रुपये देणे बाकी होते. यावरुन फिर्यादी व सचिन खंडारे यांच्यात वाद होत होते. या वादातून आरोपीने त्याच्या वर्दीच्या बेल्टने मारहाण केली. तसेच गळ्यातील मंगळसुत्र व इतर दागिने हिसकावून घेतले. तसेच जबरदस्तीने फारकतीच्या नोटरीवर सही करण्यास भाग पाडल्याचे फिर्यादीत नमूद केले आहे. पुढील तपास पोलीस उपनिरीक्षक सत्यवान गेंड करीत आहेत.
