प्रविण जगताप, वर्धा उपजिल्हा प्रतिनिधी
मो . 9284981757
महाराष्ट्र संदेश न्युज ! ऑनलाईन वर्धा:- केंद्र शासनाच्या फ्लॅगशिप योजनांचा लक्षित घटकास लाभ पोहोचविण्यासाठी विकसित भारत संकल्प यात्रा सुरु करण्यात आली आहे. या यात्रेनिमित्त युवकांचे बौध्दिक ज्ञान वाढून त्यांच्यात स्वयंरोजगार क्षमता वाढावी यासाठी मेरा युवा भारत विकसित भारत या विषयावर भाषण स्पर्धेचे सुध्दा आयोजन करण्यात आले होते.
जिल्ह्यात भारत सरकारच्या युवा कार्यक्रम व क्रीडा मंत्रालय, नेहरू युवा केंद्राच्यावतीने कुंभलकर समाजकार्य महाविद्यालय, कृष्णलीला करिअर मार्गदर्शन केंद्र वर्धा येथे भाषण स्पर्धेचे आयोजन करण्यात आले. “मेरा युवा भारत – विकसित भारत @2047 युवा द्वारा युवा के लिए” या विषयावर भाषण स्पर्धा आयोजित करण्यात आली होती.
या स्पर्धेत प्रथम, द्वितीय व तृतीय पुरस्कार पटकाविलेल्या स्पर्धकांना कुंभलकर समाजकार्य महाविद्यालयाचे डॉ. कमल पोटदुखे यांच्या हस्ते प्रमाणपत्र देऊन गौरविण्यात आहे. यावेळी नेहरु युवा केंद्राचे जिल्हा युवा अधिकारी शिवधन शर्मा, प्रा. रामेश्वर वंडकर, प्रा. राम शेवाळकर, डॉ. संजय धोटे आदी उपस्थित होते.
या स्पर्धेत प्रथम पुरस्कार वेदांत सुनील रोकडे, द्वितीय पुरस्कार कौस्तुभ गणेश पचाडे, तृतीय पुरस्कार क्रिष्णा शिवकुमार शर्मा आणि प्रोत्साहनपर पुरस्कार प्राप्ती दिवाकर कामडी यांना मान्यवरांच्याहस्ते प्रदान करण्यात आला.
