उपजिल्हाप्रमुख संजय घाडीगावकर यांनी मुख्यमंत्र्यांच्या मतदारसंघात लावले बॅनर
नितीन शिंदे ठाणे जिल्हा प्रतिनिधी
महाराष्ट्र संदेश न्युज ! ऑनलाईन ठाणे:- शुक्रवारी प्रधानमंत्री नरेंद्र मोदीं यांनी मुंबई दौरा केला त्यानंतर शिवसेना ठाकरेंच्या पक्षाच्या वतीने ठाण्यात मुख्यमंत्र्यांच्या मतदारसंघात मोदी नकोच आणि मोदींसोबतचे ढोंगी पण नको अशा आशयाचे बॅनर लावून प्रधानमंत्री मोदी आणि मुख्यमंत्री शिंदे यांच्यावर जोरदार हल्लाबोल केला आहे.
शिवसेनेचे ठाकरेंच्या गटाचे ठाणे उपजिल्हाप्रमुख संजय घाडीगावकर यांनी कोपरी पाचपखाडीत विधानसभा मतदारसंघात मोदी नकोच आणि मोदी सोबत ढोंगी पण नको अशा आशयाचे बॅनर लावले असून या बॅनरची चर्चा ठाण्यात मोठ्या प्रमाणात रंगली आहे.
राज्याचे मुख्यमंत्री एकनाथ शिंदे हे एकीकडे मोदींचे भरभरून कौतुक करत असताना त्यांच्याच मतदारसंघात मोदी नकोच आणि मोदींसोबतचे ढोंगी पण नको असे म्हणत मोदींसह एकनाथ शिंदेंवर ठाकरेंच्या शिवसेनेचे संजय घाडीगावकर यांनी हल्लाबोल केला आहे.
याबाबत ठाकरेंच्या शिवसेनेचे उपजिल्हाप्रमुख संजय घाडीगावकर यांच्याशी संपर्क साधला असता त्यांनी म्हटले की,देशात प्रचंड महागाई वाढवून सामान्य जनतेला वेठीस धरणारे मोदी 2024 ला नकोच अशी जनतेची भावना आहे. आणि जे लोक पळपुटेपणा करून शिवसेना चोरीच्या षड्यंत्रात सामील होऊन मातोश्री आणि ठाकरे कुटुंबावर आरोप करून बाहेर पडले आहेत ते ढोंगी पण 2024 ला नको अशी जनतेची भावना आहे असे संजय घाडीगावकर यांनी या बॅनरवर प्रतिक्रिया देताना म्हटले आहे.
नरेंद्र मोदींनी कितीही आश्वासन दिली तरी सामान्य जनतेची भावना ही मोदी नको अशा स्वरूपाची असून देशात लोकशाही वाचवण्यासाठी मोदींचा पराभव सर्वसामान्य जनता करेल असा विश्वास घाडीगावकर यांनी व्यक्त केला आहे.
