संतोष मेश्राम, राजुरा प्रतिनिधी मोबा.न.9923497800
महाराष्ट्र संदेश न्युज ! ऑनलाईन राजुरा:- राष्ट्रवादी काँग्रेस पार्टी वैद्यकीय मदत कक्ष चंद्रपूर च्या वतीने चंद्रपूर येथील रुग्णांचे प्राण रक्तदान देऊन वाचविले. राष्ट्रवादी काँग्रेस पार्टी वैद्यकीय मदत कक्ष उपमुख्यमंत्री अजित पवार, प्रदेशाध्यक्ष सुनील तटकरे, राज्य महिला आयोग अध्यक्ष व प्रदेशाध्यक्ष रूपाली चाकणकर, राष्ट्रवादी वैद्यकीय मदत कक्ष राज्य प्रमुख जितेंद्र सातव, राष्ट्रवादी काँग्रेस पार्टी चंद्रपूर ग्रामीण जिल्हाध्यक्ष नितीन भटारकर मार्गदर्शनाखाली चौधरी हॉस्पिटल, चर्च समोर जयंत टाकीत जवळ चंद्रपूर येथील रुग्णालयात असलेले रुग्ण रेखा मेनेवार यांना ब्लड ओ+ प्लाजमा रक्ताची आवश्यकता होती. ही बाब माहीत होताच राष्ट्रवादी काँग्रेस पार्टी वैद्यकीय मदत कक्ष चंद्रपूर जिल्हा अध्यक्ष पंकज लक्ष्मण ढंगारे व युवा कार्यकर्ता अमर गोमासे यांनी तातडीने रक्तदाता राष्ट्रवादी कार्यकर्ता राहुल कांबळे यांना पाचारण करून रुग्णास वेळेवर रक्त मिळाल्याने रुग्णांचे प्राण वाचविला. रुग्णांच्या नातेवाईकांनी राष्ट्रवादी काँग्रेस पार्टी मदत कक्ष चंद्रपूरचे आभार मानले.
