अनिल अडकिने, सावनेर तालुका प्रतिनिधी मोबा. नं.- ९८२२७२४१३६
महाराष्ट्र संदेश न्युज ! ऑनलाईन सावनेर२१ जानेवारी:- सावनेर येथे परमपूज्य डॉ. बाबासाहेब आंबेडकर यांचे नातू आणि भारतीय बौद्ध महासभेचे राष्ट्रीय अध्यक्ष राजरत्न आंबेडकर यांचे सुधाकर बागडे मित्र परिवार व युवक जागृती मंडळाचे संयुक्त विद्यमाने रविवारी सावनेर बसस्थानक जवळील डॉ.आंबेडकर यांच्या पुतळ्याजवळ जंगी स्वागत करण्यात आले. भाजप नेते रामराव मोवाडे यांनी शाल, श्रीफळ, टोपी व दुपट्टा घालून आंबेडकरांचे स्वागत केले.
याप्रसंगी छिंदवाडा जिल्हा भारतीय बौद्ध महासभेचे अध्यक्ष डॉ.भगत, युवक जागृती मंडळाचे अध्यक्ष सुधाकर बागडे, भंन्ते शिलरक्षीत महाथेरो, शिवसेना नेते उत्तम कापसे, सामाजिक कार्यकर्ते हितेश बनसोड, सोनुबावा गव्हाणे, मुकेश बागडे, मनीष खंगारे, राजूभाऊ घुगल, सुजित बागडे प्रमुखाने उपस्थित होते.
आंबेडकर सावनेरहून सौसर येथे आयोजित बौद्ध धम्म महासंमेलनाला संबोधित करण्याकरिता जात होते. यावेळी डॉ.आंबेडकर यांच्या पुतळ्यास अभिवादन केल्यानंतर समता सैनिक दलाने मानवंदना दिली. नंतर सामुहीक बुद्ध वंदना घेण्यात आली. या कार्यक्रमाच्या यशस्वीतेसाठी विकी शेंडे, स्तूप बागडे, धनंजय बागडे, उद्देश बागडे, राजेश बडखने, सागर मेश्राम, विनोद उईके, बिट्टू सोनटक्के यांनी मोलाचे सहकार्य केले.
