मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट २६ जाने:- हिंगणघाट विधानसभा क्षेत्राचे माजी आमदार राजू तिमांडे याचे कुटुंबिय जात असलेल्या चारचाकी गाडीचा भीषण अपघात झाल्याची घटना समोर आली आहे. त्यामुळे संपूर्ण हिंगणघाट तालुक्यात एकच खळबळ माजली आहे.
राष्ट्रवादी काँग्रेसचे हिंगणघाट विधानसभा क्षेत्राचे माजी आमदार असलेले राजू तीमांडे यांच्या मालकीच्या असलेल्या स्कॉर्पिओ वाहनाला आज शुक्रवारी दुपारच्या सुमारास पुलगाव वर्धा मार्गावर अपघात झाला. सदर वाहनात त्यांची पत्नी हिंगणघाट नगर पालिकेचे माजी नगरसेविका नंदा तिमांडे मुलगा, वाहनचालकासह एक व्यक्ती प्रवास करीत असतांना वळणमार्गावर हा अपघात झाला.
पुलगाव वर्धा मार्गावर केळापूर शिवारात अपघात घडला असून यावेळी त्यांचे वाहन पलटी झाले, सुदैवाने कुणीही गंभीर जखमी झाले नाही. परंतु अपघातग्रस्त स्कॉर्पिओ गाडीचे मोठे नुकसान झाले आहे.
