निखिल पिदूरकर, कोरपणा तालुका प्रतिनिधी
महाराष्ट्र संदेश न्युज ! ऑनलाईन चंद्रपूर:- वणी आर्णी लोकसभा निवडणुकी करीता उभे असलेल्या इंडिया आघाडी व कांग्रेसच्या अधिकृत उमेदवार श्रीमती प्रतिभा धानोरकर यांच्या निवडणूक प्रचारार्थ विठ्ठल मंदीर प्रभागात बैठकीचे आयोजन महिला नेत्या शोभाताई वाघमारे यांनी केले होते.
या बैठकीला उमेदवार श्रीमती प्रतिभाताई यांचेसह जेष्ठ नेते विनोद दत्तात्रेय, कांग्रेस शहर जिल्हाध्यक्ष रितेश तिवारी, चंदाताई वैरागडे, कुणाल चहारे यांनी मार्गदर्शन केले. त्याप्रसंगी प्रभागातील महिला मतदारांची लक्षणीय उपस्थिती होती. या बैठकीपूर्वी संत शिरोमणी संताजी महाराज व दुर्गामातेला पुष्पहार वाहुन वंदन करण्यात आले. ढोलताशे व फटाक्याच्या आतिशबाजीत उमेदवार प्रतिभाताईंना बैठक स्थळी आणण्यात आले.
