उषाताई कांबळे सांगली शहर प्रतिनिधी
महाराष्ट्र संदेश न्युज ! ऑनलाईन मेहकर:- भारतीय राज्य घटनेचे शिल्पकार, विश्वरत्न डॉ.बाबासाहेब आंबेडकर यांची जयंती तथागत ग्रुपच्या वतीने मेहकर येथे डॉ. बाबासाहेब आंबेडकर वाटिका येथे मोठया उत्साहात साजरी करण्यात आली. यावेळी परमपुज्य डॉ.बाबासाहेब आंबेडकर यांच्या प्रतिमेला तथागत ग्रुप महाराष्ट्र राज्य संघटनेचे संस्थापक राष्ट्रीय अध्यक्ष संदीप गवई यांनी माल्यार्पण करून अभिवादन केले.
यावेळी तथागत ग्रुप महाराष्ट्र राज्य संघटनेचे संस्थापक राष्ट्रीय अध्यक्ष संदीप गवई संबोधनात म्हणाले की, प्रत्येकांनी महामानव परमपूज्य डॉ. बाबासाहेब आंबेडकर यांच्या विचारांना आत्मसात करुन समाजात बंधुत्व व समताधिष्ठीत समाजाची भावना निर्माण करावी. भारतरत्न परमपुज्य डॉ. बाबासाहेब आंबेडकर यांच्या विचाराची जाणीव करुन घेणे हि काळाची गरज आहे असे विचार व्यक्त केले.
यावेळी तथागत ग्रुप महाराष्ट्र राज्य संघटनेचे संस्थापक अध्यक्ष संदिप गवई, कुणाल माने, गौतम नरवाडे, अख्तर कुरेशी, राधेशाम खरात, दुर्गादास अंभोरे, महादेव मोरे, देवानंद अवसरमोल, सचिन गवई, संदिप राऊत, श्रीकृष्ण शेटाने, यांच्यासह तथागत ग्रुपचे मोठ्या संख्येने पदाधिकारी व कार्यकर्ते उपस्थित होते.
