मधुकर गोंगले, गडचिरोली जिल्हा प्रतिनिधी
महाराष्ट्र संदेश न्युज ! ऑनलाईन अहेरी:- राष्ट्रीय आर्थिक दुर्बल घटक विद्यार्थांसाठी शिष्यवृत्ती स्पर्धा परीक्षा डिसेंबर 2023 रोजी झालेल्या परीक्षेत आरुषी राजेंद्र अलोने ही विद्यार्थीनी अनुसूचित जाती (एससी) प्रवर्गातून गडचिरोली जिल्ह्यातून प्रथम आली असून मॉडेल स्कूल अहेरीत आरुषी अलोणे शिक्षण घेत आहे.
सन 2023 -24 अधून राष्ट्रीय आर्थिक दुर्बल घटकातील मुलांना शिष्यवृत्ती स्पर्धा परीक्षा (NMMS) ही मिनिस्ट्री ऑफ ह्युमन रिसोर्सेस भारत सरकारच्या मार्फत राबविली जात आहे. आर्थिक मागास विद्यार्थ्यांमधून प्रज्ञानवान विद्यार्थ्यांचा शोध घेऊन त्यांच्या प्रधनेची जोपासना तसेच त्यांचे 12 वी पर्यंत शिक्षण यशस्वी व्हावे हा योजनेचा उद्देश आहे. पास झालेल्या विद्यार्थ्यांना दरमहा शिष्यवृतीच्या स्वरूपात आर्थिक मदत करण्यात येते.
मॉडेल स्कूल अहेरी येथील शिष्यवृत्तीसाठी सात विद्यार्थी पात्र झाले असून यात आरुषी राजेंद्र अलोणे ही विद्यार्थिनी अनुसूचित जाती प्रवर्गातून जिल्ह्यातून प्रथम आली आहे. यावेळी मॉडेल स्कूल अहेरीचे मुख्यध्यापक प्रमोद रोहनकर, प्रदीप रामगीरवार, योगिता नैताम, रवींद्र खोब्रागडे, पठाण, विश्रोजवार यांनी परिश्रम घेऊन जिल्ह्यात शाळेचं नावं उज्ज्वल केल्याने या शिक्षक वृंदाचे व यश संपादीत केलेल्या विद्यार्थ्यांचे अभिनंदन करण्यात येत आहे.
