अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- तालुक्यातील अल्लीपुर पोलिस ठाण्याच्या हद्दीतून एक भीषण अपघाताची घटना समोर आली आहे. येथील धोत्रा चौरस्त्या जवळ असलेल्या गणेश पेट्रोलपंप जवळ भरधाव ट्रकने दुचाकी मोटर सायकलला जोरदार धडक दिली यात दुचाकी स्वाराचा जागीच मृत्यू झाला असून एक इसम गंभीर जखमी झाला आहे. यावेळी दुचाकीला धडक देऊन ट्रक चालक ट्रक घेऊन पसार झाला. पण पोलिसांनी ट्रक चालकाला अटक केली आहे. या अपघातात तळेगाव टालाटुले येथिल रहिवासी विलास सुदाम आंबटकर वय 55 वर्ष याचा जागीच मृत्यू झाला तर चालक प्रफूल बुचे वय 25 वर्ष गंभीर जखमी झाला होता.
प्राप्त माहितीनुसार, मोटर सायकल क्रमांक MH 32 AW 3436 ला MH 40 AK 2957 या ट्रकने जोरदार धडक दिली त्यानंतर ट्रक चालक ट्रक घेऊन पसार झाला. यांची माहिती अल्लीपुर पोलिसाना मिळताच घटनास्थळी ठाणेदार प्रफुल डाहुले दाखल झाले. यावेळी यांच्या मार्गदर्शनात पोलिसांनी धडक देणाऱ्या ट्रक याचा वर्धा येथील उत्तम गलवा कंपनी जवळ शोध घेऊन चालक सुखविंदर सिंह लखविंदर सिंह उत्तरप्रदेश याला अटक केली. अल्लीपुर पोलीस पुढील तपास करीत आहे.
