संतोष मेश्राम, राजुरा तालुका प्रतिनिधी
महाराष्ट्र संदेश न्युज ! ऑनलाईन राजुरा:- बालविद्या शिक्षण प्रसारक मंडळ राजुरा द्वारा संचालित आदर्श हायस्कुल चा सत्र 2023- 2024 महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने घेण्यात आलेल्या माध्यमिक शालांत प्रमाणपत्र इयत्ता दहावी परीक्षेचा निकाल नुकताच जाहीर झाला असून आदर्श हायस्कुल शाळेतील विद्यार्थ्यांनी उल्लेखनीय कामगिरी बजावली आहे.
या परीक्षेला एकूण 99 विद्यार्थी बसले होते. आदर्श हायस्कुलचा निकाल टक्के 97.97 टक्के लागला असून या शाळेतून प्रथम येण्याचा मान साई श्रीनिवास दुर्गम 84.80 टक्के घेऊन मिळविला तसेच द्वितीय गुणवंत लीलाधर सोमनकर यांनी 84.40 टक्के घेऊन प्राप्त केले. तसेच तृतीय तन्वी रामचंद्र आस्वले 84.20 चतुर्थ सरिता गणेश लोहबळे हिने 82.60 टक्के गुण प्राप्त केले.
या गुणवंत विद्यार्थ्यांचे माजी आमदार तथा संचालक ऍड. संजय धोटे, संस्थेचे अध्यक्ष सतीश धोटे, उपाध्यक्ष मनोहरराव साबनानी, सचिव भास्करराव येसेकर, सहसचिव शंकरराव काकडे, कोषाध्यक्ष प्रकाश बेजंकिवार, संचालक लक्ष्मण खडसे, मधुकर जानवे, अविनाश निवलकर, मंगला माकोडे, आदर्श हायस्कुलचे मुख्याध्यापक सारिपुत्र जांभूळकर, आदर्श मराठी प्राथमिक विद्यामंदिर च्या मुख्याध्यापिका नलिनी पिंगे, पर्यवेक्षक तथा राष्ट्रीय हरित सेना विभाग प्रमुख बादल बेले, परीक्षा विभाग प्रमुख तथा वर्गशिक्षक नवनाथ बुटले, मेघा वाढई, क्रीडा विभाग प्रमुख विकास बावणे, भाग्यश्री क्षीरसागर, सांस्कृतिक विभाग प्रमुख आशा बोबडे, कल्याणी भोरे ,प्रशांत रागीट व शिक्षक-शिक्षिका,कर्मचारी वृंद यांनी अभिनंदन व कौतुक केले तसेच पुढील वाटचाली करिता शुभेच्छा दिल्या.
