प्रविण जगताप वर्धा उपजिल्हा प्रतिनिधी
महाराष्ट्र संदेश न्युज ! ऑनलाईन वर्धा, दि. 3:- 08-वर्धा लोकसभा मतदार संघासाठी मतदान मतमोजणी निरीक्षक म्हणूण अभय नंदन अबास्था व दिनेश कुमार जांगीड वर्धा जिल्ह्यामध्ये दाखल झाले आहेत.
भारत निवडणूक आयोगाने वर्धा, हिंगणघाट, देवळी, विधानसभा क्षेत्राकरिता अभय नंदन अंबास्था तर आर्वी, मोर्शी, धामनगाव रेल्वे विधानसभा क्षेत्राकरिता दिनेश कुमार जांगीड यांची नियुक्ती केली आहे. त्यांनी आज खाद्य वखार महामंडळ येथे भेट देवून मतमोजणी व्यवस्थेचा आढावा घेतला, यावेळी जिल्हाधिकारी तथा जिल्हा निवडणूक निर्णय अधिकारी राहुल कर्डिले, पोलिस अधीक्षक नरूल हसन, उपजिल्हा निवडणूक अधिकारी अनिल गावीत, सार्वजनिक बांधकाम विभागाचे अभियंता महेश मोखलकर यांची उपस्थिती होती.
जिल्हाधिकारी राहुल कर्डिले यांनी मतमोजणी बाबत सर्व माहिती निरीक्षकांना दिली. यावेळी पोलिस अधिक्षक नरूल हसन यांनी कायदा व सुव्यवस्थेच्या संबंधित संपूर्ण माहिती मतमोजणी निरिक्षकांना दिली. सुरक्षेच्या संबंधित सर्व उपायोजना करून सुरक्षा व्यवस्था चोख करावी, अशा सूचना संबंधिताना त्यांनी दिल्या.
