युवराज मेश्राम प्रधान संपादक
महाराष्ट्र संदेश न्यूज ! ऑनलाईन अमरावती:- येथे बाबासाहेब ताजने सभागृहात विदर्भ शाहीर कलाकार परिषदेची जिल्हा कार्यकारणी गठीत करण्यात आली. संघटनेचे केंद्रीय अध्यक्ष मणीष भिवगडे व केंद्रीय कार्याध्यक्ष अलंकार टेंभूर्णे, विदर्भ संघटक शाहीर अरुणभाऊ सहारे, महाराष्ट्र संदेश न्युजचे संपादक प्रशांत जगताप, विदर्भ महिला प्रमुख संगीताताई भक्क्ते, नागपूर जिल्हा सरचिटणीस अरूण वाहाणे, जिल्हा प्रसिद्धी प्रमुख यूवराज मेश्राम, नागपूर जिल्हा महिला प्रतिनिधी मायाताई गणोरकर यांचे प्रमुख उपस्थितीत मिटिंगमध्ये मार्गदर्शन करण्यात आले व जिल्हा कार्यकारणी घोषीत करण्यात आली.
यावेळी जिल्हा अध्यक्ष प्रसिद्ध प्रबोधनकार कव्वाल प्रकाशदिप वानखडे तर जिल्हा सरचिटणीस कवि गायक मधूकर हिरेकर, सहसचिव गायक पुरूषोत्तम खोब्रागडे तथा ग्रामरक्षक पेपर चे संपादक वाय.एम.रामटेके यांना जिल्हा प्रसिद्धीप्रमुख ही पदे बहाल करण्यात आली. उर्वरित कार्यकारणी पूर्ण करण्याची जबाबदारी त्यांच्यावर सोपवण्यात आली.
या प्रसंगी वाशिम, अकोला जिल्हा येथील कलावंत या मीटिंग ला उपस्थित होते. जिल्हा महिला संयोजिका गायिका वर्षा सोमकूवर यांची निवड करण्यात आली. महिलाची जिल्हा कार्यकारणी गठीत करण्याचे अधिकार केंद्रीय समितीने त्यांना दिले.
या मिटिंगचे पुर्वी महापूरूषांचे प्रतिमेचे पूजन पाहून्यांचे हस्ते करण्यात आले. यावेळी शहीदांना, किसान शेतकऱ्यांना, संविधानाला गायक मधुकर हिरेकर यांनी गीता द्वारे सलामी देण्यात आली. यावेळी केंद्रीय कार्याध्यक्ष अलंकारजी टेंभूर्णे यांनी कलावंतांच्या समस्या व त्या वर उपाय सांगितले. मिटिंगचे अध्यक्ष मणीषजी भिवगडे यांनी कलावंताला न्याय मिळवून देण्यासाठी संघटनात्मक ही परिषद आहे असे त्यांनी आपले विचार मांडले. सूत्रसंचालन गायक अरुण सहारे यांनी केले तर आभारप्रदर्शन वाय.एम.रामटेके यांनी मानले.
