अनिल कडू विशेष प्रतिनिधी हिंगणघाट
महाराष्ट्र संदेश न्युज ! ऑनलाईन हिंगणघाट:- माजी सैनिक कल्याणकारी ट्रस्ट, व भारतीय माजी सैनिक संघ हिंगणघाटच्या वतीने जय स्तंभ चौक (कारंजा चौक), हिंगणघाट येथे कारगिल विजय दिवसाचे आयोजन करण्यात आले होते. या कार्यक्रमाचे अध्यक्षस्थान माजी आमदार राजु तिमांडे यांनी भुषविले. यावेळी अमर जवान स्मारक आणि जय स्तंभ स्मारकाला पुष्पचक्र अर्पण करून कारगिल युद्धात आपल्या प्राणांची बाजी लावून ज्या सैनिकांनी देशाचे रक्षण केले व पाकिस्तानला त्याची जागा दाखवून दिली, त्या भारतीय सेनेच्या विरांना श्रध्दांजली अर्पण करण्यात आली.
यावेळी डॉ. प्रकाश लाहोटी, सुभाष कटारीया, अशोक सोरटे गुरुजी, उदय शेंडे आदींनी आपल्या मनोगतातून भारतीय सेनेच्या कठीण कार्याची तसेच सेनेच्या शौर्याची माहिती उपस्थितांना करून दिली. या कार्यक्रमामध्ये राजू हिंगमिरे, वासुदेव पडवे, राजेश कोचर, अनिल भोंगाडे, शरद आवारे, जय कोळसे, अब्दुल कदीर बख्स, शेख इमरान, दिलिप उरकुडकर, आणि बरेच नागरिक सहभागी झाले होते. यावेळी माजी सैनिक कल्याणकारी ट्रस्टचे अध्यक्ष पुंडलिक बकाने, उपाध्यक्ष सुधाकर दांडेकर, सचिव अजय भोंग, माजी सैनिक बाबाराव तेलरांधे, उमाकांत मांडवगडे, सुधाकर जामखुटे, अरूण मुटे, अतुल शेटे, महेंद्र लाखे, संतोष करपे, अशोक मावळे, अशोक लाडे, विलास बोरकर, शत्रुघ्न ठाकरे, राजाराम कावळे, दिलिप वाघमारे, हरिदास उरकुडकर, करणविलास तेलंग, प्रकाश ढेकळे, अमित कांबळे, सतिश तिमांडे, अशोक भोमले, हरिभाऊ फुलकर, महिला सदस्या सरिता हेलवटकर, ज्योती बकाने, माधूरी उरकुडकर, उज्वला ठाकरे, सुलभा कडू, अनुसया कलोडे व इतर महिला आणि माजी सैनिक उपस्थित होते.
या कार्यक्रमाचे संचालन पुंडलिक बकाने यांनी केले तर प्रास्ताविक सुधाकर दांडेकर यांनी केले. तसेच आभार प्रदर्शन शत्रुघ्न ठाकरे यांनी मानले. तर कार्यक्रमाची कमान (आदेशात्मक कार्य) संतोष करपे यांनी सांभाळली. हा कार्यक्रम यशस्वी करण्यासाठी विलास बोरकर व सहकाऱ्यांनी परिश्रम घेतले व कार्यक्रम यशस्वी केला.
