अनिल अडकिने नागपूर जिल्हा प्रतिनिधी
महाराष्ट्र संदेश न्युज ! ऑनलाईन सावनेर:- १७ ऑगस्टला हॉटेल रेडिसन ब्ल्यू नागपूर येथे राष्ट्रवादी काँग्रेसचे जेष्ठ नेते शरद पवार यांच्या हस्ते महासम्राट बळीराजा यांच्या फोटोचे अनावरण करण्यात आले. याप्रसंगी त्यांना राष्ट्रीय बळीराजा महोत्सव समिती द्वारे सन्मान चिन्ह देऊन स्वागत करण्यात आले.
भारतीय सिंधू संस्कृतीचा महानायक, समस्त भारतीयांचा आदर्श महापुरुष, महासम्राट बळीराजा यांचा उत्सव केरळ मध्ये ‘ओनम, तामिळनाडूमध्ये ‘पोंगल’ आसाम मध्ये ‘बिहू ‘उत्तर भारतात ‘पित्तर ‘व महाराष्ट्रामध्ये ‘बळीपूजन’ करून समस्त भारतीय त्यांची आठवण करतात. महाराष्ट्र मध्ये पोळ्याला व दिवाळीला सार्वजनिक ठिकाणी बळीराजाची प्रतिमा ठेवून ‘पोळा व दिवाळीला बलिप्रतिपदा सामूहिकरीत्या उत्सव साजरा करावा असे आवाहन करण्यात आले.
याप्रसंगी प्रा.डॉ. अभिविलास नखाते, सौ.सुनिता नखाते, शैल जैमिनी, ऍड. अंजलीताई साळवे, पियुष आकरे, सौ कृतल आकरे, स्नेहल सयाम, हेमंत तिवारी, चंद्रकांत आगाशे, सचिन पराये, अरुण हिंगे व विविध संघटनांचे पदाधिकारी व कार्यकर्ते उपस्थित होते.
