आशिष अंबादे, वर्धा जिल्हा प्रतिनिधी
महाराष्ट्र संदेश न्युज ! ऑनलाईन वर्धा:- सपूर्ण महाराष्ट्र राज्यात महिला, शालेय तसेच महाविद्यालयीन विद्यार्थिनी वर नाराधामाकडून वारंवार अत्याचार होत आहेत परंतू महायुतीचे सरकार कोणतीही कार्यवाही न करता या गुन्हेगारांना पाठीशी घालत आहे. गुन्हेगारांवर पोलिस यंत्रणेचा कोणताही धाक उरलेला नाही अशा या निकम्म्या सरकारचा निषेध करण्यासाठी महविकास आघाडी हिंगणघाटच्या वतीने उद्या दिनांक 24 ऑगस्ट शनिवारला महाराष्ट्र बंदचे आवाहन करण्यात आले आहे.
भविष्यात कुठल्याही महिला तरुणी आणि मुलीवर अत्याचार झाला नाही पाहिजे, राज्यात महिला सुरक्षा बाबत सरकार उदासीन असून त्यांना जागविण्यासाठी सकाळी 10.00 वाजता डॉ. बाबासाहेब आंबेडकर चौक हिंगणघाट येथून महाविकास आघाडीच्या वतीने हिंगणघाट बंद करून निषेध नोंदवत आंदोलन करण्यात येणार आहे. तरी हिंगणघाट येथील सर्व व्यापारी असोसिएशनला विनंती आहे कि या गंभीर विषयावर आपण सुध्दा 2.00 वाजेपर्यंत आपली दुकाने बंद करून आम्हाला सहकार्य करावे तसेच या बंद आंदोलनात सर्व जनतेनी, सर्व पक्षातील पदाधिकारी, सदस्य, कार्यकर्तेगण मोठया संख्येने सक्रिय सहभाग घ्यावा असे आवाहन महाविकास आघाडी हिंगणघाटच्या वतीने करण्यात आले आहे.
