पंकेश जाधव. पुणे जिल्हा प्रतिनिधी
दि. २३/०३/२०२१ रोजी फिर्यादी ह्या राहत्या घराला कुलुप लावून मुंबई येथे गेले असता कोणीतरी अज्ञात इसमाने फिर्यादीच्या घराच्या दरवाज्याची कडी कापून घरात प्रवेश करून बेडरुममधील लोखंडी कपाट्याच्या लॉकरमधील सोन्याचे दागिने फिर्यादीच्या भावाच्या संमतीशिवाय घरफोडी चोरी करून नेले होते म्हणून शिवाजीनगर पोलीस ठाणे येथे अज्ञात इसमाविरुध्द गु. रजि. २५/२०२१ भादवि कलम ४५४,४५७,३८० प्रमाणे गुन्हा दाखल करण्यात आला होता.
दाखल गुन्ह्याचा तपास श्री. हेमंत पाटील, पोलीस निरीक्षक व श्री प्रसाद लोणारे सहा. पोलीस निरीक्षक युनिट ५ गुन्हे शाखा पुणे शहर यांनी करून मा.न्यायालयामध्ये दोषारोप पत्र दाखल केले होते. दाखल गुन्ह्यातील आरोपी नामे जयवंत ऊर्फे जयड्या गोवर्धन गायकवाड, रा. मच्छिंद्र रेसिडेन्सी फ्लॅट नं. २०३ माऊली पेट्रोल पंपामागे बाणेर पुणे यास आज रोजी मा.टी.एम. अहमद अति. मुख्य न्यायदंडाधिकारी यांचे न्यायालयात सरकारी अभियोक्ता श्रीमती प्रियंका वेंगुर्लेकर यांनी कामकाज पाहून वर नमूद आरोपीस ०२ वर्षाची सश्रम कारावासाची शिक्षा सुनावण्यात आलेली आहे.
सदरची कामगिरी सरकारी अभियोक्ता श्रीमती प्रियंका वेंगुर्लेकर यांनी केली असून शिवाजीनगर पोलीस स्टेशनचे कोर्ट पैरवी अंमलदार सपोफौ मोहन भापकर, कोर्ट अंमलदार सोनवणे, शेवरे यांनी कामगिरी केली.
