संतोष मेश्राम चंद्रपूर उपजिल्हा प्रतिनिधी
महाराष्ट्र संदेश न्युज ! ऑनलाईन चंद्रपूर:- राज्यात विधानसभा निवडणुकीचे बिगुल वाजले असताना आता प्रचाराला अवघे काही दिवस शिल्लक असताना चिमूर विधानसभा मतदार संघात भारतीय जनता पक्षाचे फायर ब्रॅण्ड नेते आणि पंतप्रधान नरेंद्र मोदी यांच्या जाहीर सभा आयोजित करण्यात आली होती. पण या जाहीर सभेत माजी केंद्रिय मंत्री आणि अनेक विधानसभा मतदार संघातील भाजपा उमेदवाराला मंचावर स्थान न मिळाल्याने खळबळ माजली आहे.
चिमूर येथे पंतप्रधान नरेंद्र मोदी यांच्या जाहीर सभेत माजी केंद्रीय गृह राज्यमंत्री तथा मागासवर्गीय आयोगाचे अध्यक्ष हंसराज अहिर व राजुरा मतदार संघाचे उमेदवार यांना मंचावर स्थान मिळाले नाही. त्यामुळे संपूर्ण विदर्भात वेगवेगळ्या राजकीय चर्चाला उत आला आहे.
प्रधानमंत्री नरेंद्र मोदी यांच्या पहिल्या सरकारमध्ये केंद्रीय गृह राज्यमंत्री असलेल्या आणि विद्यमान मागासवर्गीय आयोगाचे अध्यक्ष हंसराज अहिर हे प्रधानमंत्री नरेंद्र मोदी यांचे निकटवर्तीय अशी त्यांची ओळख आहे. पण हंसराज अहिर यांना नरेंद्र मोदी यांच्या जाहीर सभेत साध्ये स्थान न मिळाल्याने त्यांच्या समर्थकांमधून मोठ्या प्रमाणात नाराजी व्यक्त होत आहे.
विधानसभा निवडणुकीच्या रणधुमाळीत भाजपा महायुतीच्या पूर्व विदर्भातील 9 उमेदवारांच्या प्रचारार्थ पंतप्रधान नरेंद्र मोदी यांची जाहीरसभा चिमूर येथे मंगळवार 12 नोव्हेंबर रोजी आयोजित करण्यात आली होती. या सभेत पूर्व विदर्भातील चंद्रपूर, नागपूर, भंडारा, वर्धा जिल्हातील विधानसभा मतदार संघातील 9 उमेदवार सभा मंचावर होते. यामध्ये चिमूर विधानसभा मतदार संघाचे उमेदवार आमदार किर्तीकुमार भांगडिया, बल्लारपूर विधानसभा मतदार संघाचे उमेदवार सुधीर मुनगंटीवार, वरोरा विधानसभेचे करन देवतळे, ब्रम्हपुरी विधानसभेचे कृष्णलाल सहारे, चंद्रपूर विधानसभेचे किशोर जोरगेवार, उमरेड विधानसभेचे राजू पारवे व इतर उमेदवारांचा समावेश होता. या जाहीर सभेला माजी केंद्रीय गृह राज्यमंत्री तथा मागासवर्गीय आयोगाचे अध्यक्ष हंसराज अहिर निमंत्रित होते. त्यांची खुर्ची देखील सभामंचावर लावण्यात आली होती.
मात्र पंतप्रधान यांच्या सुरक्षेतील अधिकाऱ्यांनी तथा पीएमओ कार्यालयातून आलेल्या निर्देशा नुसार माजी केंद्रीय मंत्री हंसराजअहिर यांना सभामंचावर स्थान दिले गेले नाही. त्यामुळे हंसराज अहिर नाराज झाले. परिणामी अहिर सभास्थळ येथून नाराज होऊन निघून गेले. तीच अवस्था राजुरा येथील भाजप उमेदवार देवराव भोंगळे यांची झाली. देवराज भोंगळे यांचे नाव नऊ उमेदवार यांच्यात नव्हते. तसेच त्यांचे नाव व फोटो देखील मंचावर लावलेल्या बॅनर मध्ये नव्हते. त्यामुळे त्यांना मंचावर प्रवेश नाकारण्यात आला. परिणामी, भोंगळे सभास्थळ येथून एकटेच निघून गेले. तसेच भंडारा येथील आमदार नरेंद्र भोंडेकर यांचे नाव होते. मात्र त्यांचा सभा मंचचा पास बनलेला नव्हता. त्यामुळे त्यांना प्रवेश दिला गेला नाही. त्यामुळे ते देखील सभास्थळ येथून निघून गेले.
