दि. १३ नोव्हेंबर २०२४
चामोर्शी:-भाजपा अनु. जनजाती मोर्चाचे राष्ट्रीय महामंत्री तथा माजी खासदार अशोकजी नेते यांच्या नेतृत्वात चामोर्शी येथील शारदा सेलिब्रेशन हॉलमध्ये व्यापारी स्नेह संमेलन मेळावा आयोजित करण्यात आला.
चामोर्शी राईल मिल आणि धान्य व्यापारी असोसिएशनच्या वतीने आयोजित या संमेलनात अनेक व्यापारी, राजकीय नेते आणि कार्यकर्त्यांनी सहभाग घेतला.
या स्नेह संमेलन मेळाव्याचे व्यापारी असोसिएशन अध्यक्ष रमेशजी सारडा यांच्या उपस्थितीत प्रमुख पाहुण्यांमध्ये भाजपा महायुतीचे उमेदवार डॉ. मिलिंदजी नरोटे, ज्येष्ठ नेते बाबुरावजी कोहळे,प्रदेश कार्यकारिणी सदस्य रविंद्रजी ओल्लालवार आणि धान्य व्यापारी चंद्रकांतजी जोशी यांचा समावेश होता. तसेच किसान मोर्चाचे जिल्हाध्यक्ष रमेश बारसागडे, तालुकाध्यक्ष आनंद भांडेकर, कामगार आघाडीचे प्रदेश सदस्य गोवर्धन चव्हाण, सहकार आघाडीचे जिल्हाध्यक्ष आशिषभाऊ पिपरे, जिल्हा उपाध्यक्ष अरुणजी हरडे,धान्य व्यापारी दिलिपजी सारडा, नंदुजी काबरा, प्रवासी कार्यकर्ता विनिता कुलस्ते, कृ.उ.बा.स. संचालक दिलिप भुरले,जेष्ठ नेते नामदेवराव सोनटक्के, धान्य व्यापारी प्रकाश भाऊ निकुरे,संजयजी बारापात्रे, कान्होजी लोहंबरे तसेच मोठ्या संख्येने व्यापारी वर्ग यांच्यासह अन्य मान्यवरांनी मेळाव्याची शोभा वाढवली.
मा.खा. अशोकजी नेते यांनी व्यापार्यांच्या समस्या, व्यापार धोरणे आणि शासनाच्या नवीन नियमांविषयी सखोल चर्चा केली. त्यांनी व्यापाऱ्यांच्या अडचणी सोडवण्याकरिता सरकारकडे आवश्यक ती पावले उचलण्याची महायुतीचे सरकार येणे गरजेचे आहे. असे बोलत आगामी विधानसभा निवडणुकीच्या पार्श्वभूमीवर त्यांनी महायुतीच्या सरकारला पाठिंबा देण्यासाठी उपस्थितांना आवाहन केले. डॉ. मिलिंद नरोटे यांना समर्थन देऊन व्यापार व व्यवसायाला प्रोत्साहन देणारे सरकार निवडून आणण्याचे त्यांनी आवाहन केले.
या व्यापारी स्नेह संमेलनात व्यापारी असोसिएशनच्या अध्यक्षांसह व्यापारी वर्गाने आपल्या समस्या मांडल्या आणि भविष्यकालीन व्यापार धोरणांवर संवाद साधला.
या कार्यक्रमाचे प्रास्ताविक व्यापारी असोसिएशन अध्यक्ष रमेशजी सारडा व संचालन दिलिपजी सारडा सुरळीतपणे केले.
