राहुल मसुरे, जिवती तालुका प्रतिनिधी
महाराष्ट्र संदेश न्युज ! ऑनलाईन राजुरा:- विधानसभा मतदार संघात येणाऱ्या जिवती तालुक्यातील पुनागुडा मतदान केंद्र क्र.298 वर प्रत्येक निवडणुकीच्या तुलनेत बघितले तर मतदानात मोठ्या प्रमाणात मतदारांनी आपला हक्क बजावला असुन सर्वाना आपल्या आवडत्या उमेदवाराला निवडुन देऊन विधानसभेत आपल्या विकासाचे प्रश्न मांडण्यासाठी पाठवण्यास सज्ज झाले असुन वेगवेगळ्या पक्षाचे कार्यकर्ते मोठ्या कुतुहलाने आपल्या उमेदवारांसाठी हवे असलेल्या जबाबदारी पार पाडताना दिसले. त्यात पुनागुडा मतदान केंद्रावर मतदानाच्या टक्केवारीत वाढ 63 टक्के मतदान झाले असून उमेदवाराचे भाग्य ईव्हींएम मशीन मध्ये बंद झाले आहे.
या पुर्वी अनेक निवडणुकीत अनेक मतदार काही कारणास्त मतदानाचा हक्क बजावण्यापासुन वंचित राहत होते कधी कोणाचे नाव च नाही तर कधी कोण्या मतदाराला वेगवेगळ्या अडचणी मुळे मतदान करता येत नव्हते परंतु निवडणुक विभागाने मतदानापासून कोणताही मतदार वंचित राहु नये म्हणुन अनेक प्रकारच्या उपाय योजना केल्यामुळे आता मतदार सर्व आपले कर्तव्य बजावत आहेत.
