आसमा सय्यद पुणे जिल्हा प्रतिनिधी
महाराष्ट्र संदेश न्युज ! ऑनलाईन पुणे:- जिल्हातून एक खळबळजनक घटना समोर आली आहे. येथे बलात्काराचा गुन्हा मागे घेण्यासाठी आणि आपल्या प्रेमिकेचा पतीला धडा शिकविण्यासाठी एका माथेफिरु प्रेमीने आपल्याच प्रेमिकेच्या मुलाचे चक्क अपहरण करून हत्या केल्याचे खळबळ उडवून देणारी घटना 15 दिवसानंतर समोर आली आहे. आर्यन विक्रम चव्हाण वय 12 वर्ष असे हत्या करण्यात आलेले मुलाचे नाव असून राजेश जंबुकर असे आरोपीचे नाव आहे.
आंबेगाव तालुक्यात येणाऱ्या निरगुडसर येथील 12 वर्षीय विद्यार्थ्याचे 11 डिसेंबर रोजी अपहरण करुन हत्या करण्यात आली होती. दिनांक 24 डिसेंबर मृतक विद्यार्थी आर्यन विक्रम चव्हाणचा मृतदेह संगमनेर जवळील राजापूर परिसरात एका कोरड्या विहिरीत मिळून आला आहे. आरोपी राजेश जंबुकरनेही राहत्या घरात फाशी घेऊन आत्महत्या केली आहे. या घटनेने परिसरात खळबळ उडाली आहे.
प्राप्त माहितीनुसार, राजेश रोहिदास जंबुकरने बुधवार 11 डिसेंबर रोजी आंबेगाव तालुक्यातील निरगुडसर येथील आर्यन चव्हाण या पाचवीत शिकणाऱ्या विद्यार्थ्याचे अपहरण केले होते. या प्रकरणी त्याच्या वडिलांनी पारगाव कारखाना (ता. आंबेगाव) पोलीस ठाण्यात अपहरणाची तक्रारही दाखल केली होती. यानंतर आरोपी राजेश जंबुकर हा आर्यन चव्हाण या विद्यार्थ्याला घेऊन फरार होता. पोलिसांनी आरोपीचा तपास सुरू केला. परंतु आरोपी राजेंद्र जंबुकर हा कुठेही मिळून आला नाही.
दिनांक 24 रोजी सकाळी 9.00 वाजताच्या दरम्यान राजेंद्र जंबुकरने राहत्या घरात ढोलेवाडी येथे गळफास घेऊन आत्महत्या करून आपली जीवनयात्रा संपवली. त्यानंतर आर्यन चव्हाण कुठे आहे असा प्रश्न सर्वांना पडत होता. पारगाव पोलीस या प्रकरणाचा तपास करत असताना अपहरण झालेल्या मुलाचा मृतदेह त्यांना काल रात्री उशिरा तालुक्यातील राजापूर शिवारात आढळला. पोलिसांच्या तपासामध्ये सीसीटीव्ही कॅमेऱ्यामध्ये विद्यार्थी आर्यन चव्हाण आणि आरोपी राजेश जंबुकर हा एका हॉटेलमध्ये 11 डिसेंबर रोजी 4.00 वाजण्याच्या सुमारास नाष्टा करत असल्याचे पोलिसांना सीसीटीव्ही फुटेजमध्ये दिसून आले.
त्यानंतर पोलिसांनी राजापूर परिसरात वेगाने तपास सुरू केला. आरोपी राजेश जंबुकर याला वायफाय देणारे मदत करणारे यांना खाकी दाखवली. घटनेतील काही बारकावे आणि सीसीटीव्ही फुटेजचा आधार घेऊन काल रात्री या मुलाचा मृतदेह राजापूर शिवारात एका पडक्या विहिरीत आढळून आला. आर्यन चव्हाणचे अपहरण करणाऱ्या आरोपीनीचे आर्यनचा खून केला असावा, असा प्राथमिक अंदाज पोलिसांनी व्यक्त केला आहे. दरम्यान राजेश जंबुकर यांनी आत्महत्या करण्यापूर्वी लिहलेली एक चिठ्ठी पोलिसांना सापडली असून त्यानुसार अनेक गोष्टींचा उलगडा होणार आहे. या प्रकरणी अधिक तपास पोलीस करत आहेत.
