राज शिर्के मुंबई महानगर प्रतिनिधी
महाराष्ट्र संदेश न्युज ! ऑनलाईन मुंबई:- वसईच्या सातिवली येथून एक संतापजनक घटना समोर आली आहे. येथे कंपनीत काम करणार्या 16 वर्षाच्या अल्पवयीन तरुणीवर कंपनीच्या मालकानेच सलग 2 दिवस बलात्कार केल्याच्या घटनेने खळबळ उडाली आहे. 31 डिसेंबर आणि 1 जानेवारी रोजी कंपनीच्या कार्यालयात आणि गच्चीवर या नराधम कंपनी मालकाने या अल्पवयीन तरुणीवर अत्याचार केला. याप्रकरणी वालीव पोलीस स्टेशन मध्ये गुन्हा दाखल करण्यात आला आहे. आरोपी फरार झाला असून पोलीस त्याचा शोध सुरू आहे.
प्राप्त माहितीनुसार, अत्याचार पीडित तरुणी 16 वर्षांची असून वसई पूर्वेच्या सातिवली येथील एका ऑफसेट प्रिंटीग कंपनीत काम करते. 31 डिसेंबर रोजी कंपनीचा मालक प्रदीप प्रजापती वय 50 वर्ष याने पीडित मुलीला तिच्या विरोधात तक्रार आहे असे सांगितले. त्यावर तोडगा काढण्याचे कारण सांगून कार्यालयात बोलावले आणि दुपारी 3.30 वाजताच्या सुमारास तिच्यावर कार्यालयात बलात्कार केला. या प्रकरणाने पीडित मुलगी प्रचंड घाबरली होती. तरी दुसर्या दिवशी म्हणजे 1 जानेवारी रोजी ती कामावर आली. संध्याकाळी सर्व कर्मचारी घरी गेल्यावर प्रजापती याने तिला मोठ्या सेठना तुला भेटायचे आहे असे सांगून थांबवून ठेवले. त्यानंतर तिला कंपनीच्या गच्चीवर नेले आणि पुन्हा तिच्यावर बलात्कार केला. अखेर पीडित मुलीने वालीव पोलीस स्टेशनमध्ये तक्रार दाखल केली.
याबाबत वालीव पोलीस स्टेशन मध्ये नराधम आरोपी प्रदीप प्रजापती याच्याविरोधात भारतीय न्याय संहितेच्या कलम 64, 65 (1) सह बालकांचे लैंगिक अपराधापासून संरक्षण अधिनियम (पोक्सो) कलम 4, 8, 12, अन्वये गुन्हा दाखल केला आहे. पीडित मुलगी आमच्याकडे घटना घडल्यानंतर आली होती. मात्र कंपनी बंद होती. आरोपी निष्पन्न झाला असून लवकरच त्याला अटक केली जाईल, अशी माहिती वालीव पोलीस स्टेशनचे वरिष्ठ पोलीस निरीक्षक यांनी दिली.
