बनावट देशी दारु तयार करण्याच्या कारखान्याच्या साहित्यासह अवैध मद्यसाठा गडचिरोली पोलीसांनी केला जप्त.

बनावट देशी दारु बनविण्याच्या साहित्यासह एकूण 10.16 लाखांचा मुद्देमाल जप्त.

मधुकर गोंगले, उपसंपादक
मो. नं. 9420751809.

गडचिरोली जिल्ह्रात दारुबंदी असताना अवैधरीत्या छुप्या रीतीने दारु विक्री व वाहतुक करण्याचा प्रयत्न करणा­यांवर अंकुश लावण्याबाबत पोलीस अधीक्षक, गडचिरोली श्री. नीलोत्पल यांनी आदेश दिलेले आहेत. या आदेशान्वये काल दिनांक 03/11/2025 रोजी स्थानिक गुन्हे शाखा येथील पथकाने अवैद्य दारू तयार करून वाहतुक करणा­या आरोपीविरुध्द कारवाई केलेली आहे.

सवित्तर वृत्त असे आहे की, काल दिनांक 03/11/2025 रोजी स्थानिक गुन्हे शाखा, गडचिरोली येथील अधिकारी व अंमलदार यांना गोपनिय बातमिदाराकडून मिळालेल्या माहितीनुसार आरोपी नामे व्यंकटेश बैरमवार, रा. मुरुमगाव ता. धानोरा जि. गडचिरोली हा आपल्या घरी बनावट देशी दारु तयार करून कारखाना चालवून तयार केलेली दारू आजुबाजुच्या परीसरात टाटा कंपनीचे सुपर ए.सी.ई. मींट चारचाकी वाहन क्र. एम. एच. 34 ए. वी. 2051 मधुन बनावट दारुची वाहतुक व पुरवठा करीत आहे. यावरून सदर पथकातील पोलीस अधिकारी व अंमलदार यांनी मौजा मुरुमगाव बाजार मंडी येथे सापळा रचला असता, सदर ठिकाणी वरील वर्णनाप्रमाणे असलेली संशयीत चारचाकी वाहन उभे असल्याचे दिसून आले. त्यानंतर उभ्या असलेल्या संशयित वाहनाची पंचासमक्ष पाहणी केली वाहनाच्या मागील डाल्यात असलेल्या चोरकप्यामध्ये देशी विदेशी दारुचा साठा मिळून आला. यासोबतच सदर ठिकाणावरुन जवळच असलेल्या व्यंकटेश बैरवार याच्या मालकीचे अशोक लेलँड कंपनीचे (दोस्त) हे चारचाकी वाहन क्र. एम एच 33 टी. 2035 संशयास्पदरीत्या पोलीस पथकास दिसून आले. त्यानंतर सदर वाहनाची पंचासमक्ष पाहणी केली असता, त्यात बनावट दारु बनविण्याकरीता वापरण्यात येणारे रासायनिक द्रव्य (स्पिरीट) ने भरुन असलेले दोन ड्रम मिळून आले.
यानंतर सदर वाहनापासून जवळच असलेल्या व्यंकटेश बैरवार याच्या घरी जाऊन पोलीस पथकाने शोध घेतला असता, त्याच्या घरात बनावट दारु बनविण्याकरिता वापरण्यात येणारे तसेच सिलींग करीता वापरण्यात येणारे साहित्य मिळून आले. सदर तिन्ही ठिकाणावरुन जप्त करण्यात आलेल्या साहित्यामध्ये खालीलप्रमाणे मुद्देमाल मिळून आला आहे,
यामध्ये व्यंकटेश बैरवार याच्या घरामध्ये 1) बनावट दारु तयार करुन सिलबंद करण्याकरीता वापरण्यात येणारे 02 नग सिलींग मशीन एकूण किंमत 20,000/- रु., 2) बनावट दारु तयार करण्याकरीता वारण्यात येणारी 10 फुट लांबीचे 02 नग प्लास्टीक पाईप, एकूण किंमत 100/- रु., 3) 100 नग खाकी रंगाचा खराडा एकूण किंमत 1000/- रु., 4) बनावट दारु सिलबंद करण्याकरीता वापरण्यात येणारे 229 नग झाकण, एकूण किंमत 1145/- रु., 5) रॉकेट देशी दारु प्रवरा डिस्टीलरी असे पिं्रटेड खाकी रंगाचे 10 नग खरडे व इतर साहित्य, एकूण किंमत 130/- रु.
तसेच सदर दोन्ही चारचाकी वाहनांमध्ये 1) एकूण 500 किलो बनावट दारु तयार करण्याकरीता वापरण्यात येणारे स्पिरीट व 02 नग ड्रम, एकूण किंमत 1,52,000/- रु., 2) अशोक लेलँड कंपनीची (दोस्त) चारचाकी वाहन अंदाजे किंमत 3,00,000/- रु. 3) 550 नग गोवा विस्की विदेशी दारुचे खाकी खरड¬ाचे 11 सिलबंद बॉक्स, एकूण किंमत 1,10,000/- रुपये, 4) चार सिलबंद खरड¬ामध्ये एकूण 400 नग रॉकेट देशी दारु संत्रा बॉटल, एकूण किंमत 32,000/- रु., 5) टाटा कंपनीची सुपर ए.सी.ई. मींट चारचाकी वाहन अंदाजे किंमत 4,00,000/- रु.

असा एकुण 10,16,375/- रुपये किंमतीचा मुद्देमाल घटनास्थळावरुन जप्त करण्यात आला आहे. या अनुषंगाने आरोपी नामे व्यंकटेश बैरवार रा. मुरुमगाव ता. धानोरा जि. गडचिरोली याच्या विरुद्ध पोस्टे मुरुमगाव येथे अप क्र. 0038/2025 कलम 123, 318 (4) भान्यासं, सहकलम 65 (ड), 65 (ब), 65 (ई), 65 (फ), 65 (ए), 65 (सी) मदाका अन्वये गुन्हा नोंद करण्यात आला आहे. सदर आरोपीचा शोध घेणे सुरु असून, गुन्ह्राचा पुढील तपास पोउपनि. सचिन ठेंग पोस्टे मुरुमगाव हे करीत आहेत.

सदरची कारवाई पोलीस अधीक्षक, गडचिरोली श्री. नीलोत्पल, अपर पोलीस अधीक्षक (अभियान) श्री. एम. रमेश, अपर पोलीस अधीक्षक (प्रशासन) श्री. गोकुल राज जी. यांच्या मार्गदर्शनाखाली स्थानिक गुन्हे शाखा गडचिरोलीचे प्रभारी अधिकारी पोनि. अरुण फेगडे यांच्या नेतृत्वात सपोनि. भगतसिंग दुलत, पोना/धनंजय चौधरी, पोअं/राजु पंचफुलीवार, मपोशि/वृषाली चव्हाण यांनी पार पाडली.