मधुकर गोंगले, उपसंपादक.
मो. नं. 9420751809.
डॉ बाबासाहेब आंबेडकर पदस्पर्श भूमी दीक्षाभूमी देसाईगंज येथे समता सैनिक दल ग्रामीण पूर्व विदर्भ चे निवासीय प्रशिक्षण शिबीर ८,९ व १० फेब्रुवारीला यशस्वीरित्या पार पडले.कार्याध्यक्ष विठ्ठल वासनिक सर, ट्रेनिंग चिफ पुरूषोत्तम भैसारे व समर्थ सहारे यांनी प्रशिक्षणाची धूरा यशस्वीपणे पणे सांभाळली . प्रशिक्षणाच्या पहिल्या दिवशी विविध जिल्ह्यातून सैनिकांचे आगमन झाले,चहापाना नंतर भगवान बुद्ध व डॉ बाबासाहेब आंबेडकरांना वंदन करून वंदना करण्यात आली व सर्व सैनिकांची ओळख करून घेण्यात आली.
दुसऱ्या दिवशी पहाटे पाच वाजता पासून सैनिकांची परेड शहरातील विविध विहारात भेट देऊन अभिवादन करीत स्थळी दाखल झाली व दिवसभर सैनिकांना लाठी चालविणे, लेझीम,टायरमधून सरपटत जाणे, दोरा वरुन चढणे-उतरणे व परेड बद्दल प्रशिक्षण देण्यात आले.तिसरा दिवशी समारोप करण्यात आला कार्यक्रमाचे अध्यक्ष महेंद्र जांभूळकर सर सेवानिवृत्त मुख्याध्यापक मुरूमगाव, उद्घाटक संजय रामटेके कृषी अधिकारी कुरखेडा,तर सह उद्घाटक सरदारे सर होते.विषेश अतिथी विठ्ठल वासनिक कार्याध्यक्ष ससै दल ग्रामीण पूर्व विदर्भ,इंजि.विजय मेश्राम, मारोती जांभूळकर सर,चंदूराव राऊत, पुरूषोत्तम भैसारे ट्रेनिंग चिफ ससै दल, समर्थ सहारे,दुधराम शेंडे होते तर प्रमुख अतिथी ममता जांभूळकर, श्यामला राऊत, रत्नमाला बडोले, यशोदा मेश्राम, कविता मेश्राम होत्या.संचालन सरीता बारसागडे तर आभार प्रदर्शन शेंडे सरांनी केले.
प्रशिक्षणार्थी सैनिकांची निवास व भोजनाची संपूर्ण व्यवस्था सम्यक जागृत बौद्ध महिला समिती दीक्षाभूमी देसाईगंज व चमूने सांभाळली.यावेळी समता सैनिक दल दीक्षाभूमी शाखेचे उद्घाटन करण्यात आले.प्रतिमा शेंडे, प्रतिभा बडोले व मंदा शिंपोलकर यांनी सहकार्य केले
