मधुकर गोंगले, उपसंपादक.
मो. नं. 9420751809.
गडचिरोली ==
अंकीसा. नवी दिल्ली राजधानी नवी दिल्लीतील प्रतिष्ठित हॉटेल सम्राट येथे आयोजित भव्य सोहळ्यात श्रीकांत शुगरवार यांना उत्कृष्ट समाज सेवा आयकॉन अवॉर्ड 2026 प्रदान करून सन्मानित करण्यात आले. GAC Awards तर्फे आयोजित या पुरस्कार समारंभात देशभरातील विविध क्षेत्रातील मान्यवरांची उपस्थिती होती.समाज सेवा क्षेत्रात निष्ठा, प्रामाणिकपणा आणि समाजाभिमुख कार्या ने श्रीकांत शुगरवार यांनी समाजा मध्ये एक वेगळी ओळख निर्माण केली आहे. ग्रामीण आणि दुर्गम भागातील प्रश्नांना त्यांनी सातत्याने वाचा फोडली असून सर्वसामान्यांच्या हक्कासाठी निर्भीड भूमिका मांडली आहे. त्यांच्या या उल्लेखनीय कार्याची दखल घेत त्यांना ‘उत्कृष्ट समाज सेवक आयकॉन अवॉर्ड’ देऊन गौरविण्यात आले.
कार्यक्रमादरम्यान मान्यवरांनी श्रीकांत शुगरवार यांच्या कार्याचे कौतुक करताना सांगितले की, सर्व सामान्य गोर गरीब जनतेच्या प्रश्न शासन दारीं पोचवून त्याचा पाठ पुरावा करून समस्या सोडवून देणे प्रत्येक सामाजिक कार्यात तन मन धन ने सहभाग घेऊन यशस्वी करणे अशा अनेक समाजातील सकारात्मक बदलासाठी महत्वाची भूमिका घेतलीं
या सन्मानामुळे त्यांच्या कार्याला राष्ट्रीय पातळीवर नवे बळ मिळाले असून मित्रपरिवार, सहकारी आणि चाहत्यांकडून त्यांच्यावर अभिनंदनाचा वर्षाव होत आहे. गडचिरोली मागासलेल्या जिल्ह्यातील आसारली सारख्या गावातील सर्व सामान्य व्यक्तीचे समाज सेवा ओळखून यांची सन्मान होणे म्हणजे गावचे नाव उंच शिखरा पर्यंत पोचवणे आहे. यांना मिळालेल्या या प्रतिष्ठित पुरस्काराबद्दल सर्व स्तरांतून हार्दिक शुभेच्छा व्यक्त करण्यात येत आहेत.