मधुकर गोंगले, उपसंपादक.
मो. नं. 9420751809.
*अहेरी:-* आगामी पदवीधर मतदारसंघ निवडणुकीच्या पार्श्वभूमीवर पदवीधर मतदार नोंदणीसंदर्भात महत्त्वपूर्ण बैठक आज पार पडली. अहेरी विधानसभा क्षेत्राच्या दौऱ्यावर आलेले पदवीधर निवडणूक नोंदणी प्रमुख मा. आमदार श्री. सुधाकरजी कोहळे तसेच सहप्रमुख श्री. सुधीरजी दिवे यांच्या प्रमुख उपस्थितीत दिनांक १३ मार्च २०२६ रोजी राजे धर्मराव कृषी विद्यालय, अहेरी येथे बैठक आयोजित करण्यात आली.
*माजी राज्यमंत्री तथा पालकमंत्री राजे अम्ब्रिशराव आत्राम* यांच्या मार्गदर्शनाखाली पार पडलेल्या या बैठकीत उपस्थित नेत्यांनी सांगितले की, लोकशाही बळकट करण्यासाठी सुशिक्षित मतदारांचा सहभाग वाढणे गरजेचे आहे. त्यामुळे जास्तीत जास्त पात्र पदवीधरांनी पुढाकार घेऊन मतदार म्हणून नोंदणी करावी, तसेच इतर पदवीधारकांनाही यासाठी प्रोत्साहित करावे, असे आवाहन करण्यात आले.
यावेळी नोंदणी प्रक्रियेतील आवश्यक कागदपत्रे, अंतिम मुदत, अर्ज सादर करण्याची पद्धत तसेच क्षेत्रनिहाय जबाबदाऱ्या याबाबत सविस्तर मार्गदर्शन करण्यात आले. प्रत्येक गाव व शहरातील पदवीधरांपर्यंत पोहोचण्यासाठी विशेष संपर्क मोहीम राबविण्याचा निर्णयही घेण्यात आला.
बैठकीस स्थानिक भाजप पदाधिकारी, कार्यकर्ते,शिक्षक तसेच पदवीधर नागरिकांची उपस्थिती होती.
