आपल्या शैक्षणिक पदवीचा उपयोग समाज उद्धरासाठी करावा – डॉ. चीनन्ना चालूरकर
मधुकर गोंगले, उपसंपादक.
मो. नं. 9420751809.
मुलचेरा : महाविद्यालय स्तरावर प्रत्येक पदवी प्राप्त विदयार्थ्यानी आपल्या शैक्षणिक पदवीचा उपयोग समाज उद्धरासाठी करावा असे प्रतिपादन डॉ. चीनन्ना चालूरकर यांनी नेताजी सुभाषचंद्र विज्ञान महाविद्यालय मुलचेरा येथे दिनांक 30 मार्च 2026 ला रोज सोमवार ला शैक्षणिक सत्र 2024-25 या शैक्षणिक वर्षाचा पदवी वितरण समारोह प्रसंगी आपले मंत व्यक्त केले. पुठे त्यांनी विदयार्थ्यांना मार्गदर्शन करताना पदवी ही जीवनात कशी वापरावी आणि तिचा कसा उपयोग होतो तसेच पदवीचे महत्त्व स्पष्ट केले.
या कार्यक्रमासाठी प्रमुख अतिथी म्हणून डॉ. चीनन्ना चालूकर प्राचार्य, राजे धर्मराव विज्ञान महाविद्यालय अहेरी, अध्यक्ष महाविद्यालयाचे प्राचार्य डॉ. रंजित मंडल, अतिथी म्हणून डॉ. सचिन शेंडे व IQAC समन्वयक डॉ. ललितकुमार शनवारे व प्रा. गौतम वाणि सांस्कृतिक विभाग प्रमुख हे उपस्थित होते.
या कार्यक्रमाचे अध्यक्ष डॉ. रंजित मंडल यांनी आपल्या भाषणात सांगताना म्हटले की, समाजाचे आपण घटक असून त्याबद्दलची निष्ठा असावी. ज्या महाविद्यालयाचे आपण विद्यार्थी आहोत त्यासाठी आपले काही देणे आहे, हेही विसरता कामा नये, असे उदगार त्यांनी आपल्या अध्यक्षयी भाषणात व्यक्त केले. तसेच या कार्यक्रमास लाभलेले अतिथी डॉ. सचिन शेंडे व डॉ. ललितकुमार यांनी सुद्या विद्यार्थ्यांना मोलाचे मार्गदर्शन करून त्यांच्या उज्वल भविष्यासाठी शुभेच्छा दिल्या.
कार्यक्रमाच्या प्रास्ताविक भाषणात प्रा. गौतम वाणी यांनी पदवी मिळवणे ही केवळ शैक्षणिक प्रवासाची समाप्ती नाही, तर खऱ्या अर्थाने आयुष्याच्या एका मोठ्या मैदानावर प्रवेश करण्याची ही सुरुवात आहे. तसेच ही पदवी मोठ्या कष्टाने आपण मिळविलेली असून, तिचा कुटुंबासाठी व समाजासाठी चांगला उपयोग करावा आणि जीवनात यशस्वी व्हावे, अशी अपेक्षा व्यक्त केली.
कार्यक्रमाचे सूत्रसंचालन डॉ. अतुल पिंपळशेंडे सर यांनी केले, तर पदवी वितरण संचालन डॉ. दयाल रॉय यांनी पार पाडले, तर आभार प्रदर्शन कुमारी विशाखा मंडल हिने मानले. कार्यक्रमाच्या यशस्वीतेसाठी महाविद्यालयातील प्राध्यापक वृंद तसेच शिक्षकेतर कर्मचारी यांचे मोलाचे सहकार्य लाभले.
