पंकेश जाधव पुणे ब्यूरो चीफ
पुणे,दि.17 नोव्हें:- पुण्यातील कोथरुड भागात एक भीषण आज लागल्याची घटना समोर येत आहे. त्यामुळे कोथरुड परिसरात खळबळ माजली आहे. कोथरुड मधील श्रावणधारा या आलिशान इमारतीला ही आग लागली आहे. या इमारतीच्या सातव्या आणि आठव्या मजल्यावर ही भीषण आग लागली आहे.
सूत्रांकडून प्राप्त माहिती नुसार, ही आग गॅस सिलींडरचा स्फोट झाल्याने लागल्याची शक्यता आहे असे सूत्रांकडून सांगण्यात आले आहे. याबाबत ताबडतोब अग्निशमन दलाच्या विभागास माहिती कळवल्यानंतर अग्निशमन दलाच्या आठ गाड्या घटनास्थळी दाखल झाल्या आहेत. आग विझवण्याचे शर्थीचे प्रयत्न सुरु आहेत. अवघ्या काही मिनीटातच आगीचे लोट बाहेर येत होते.
पुण्यातील कोथरुडमधील श्रावणधारा सोसायटीच्या सातव्या आणि आठव्या मजल्यावरील काही फ्लॅट्सना आग लागली आहे. गॅस सिलेंडरच्या स्फोटामुळे ही आग लागल्याची माहिती मिळत आहे. आग लागलेल्या फ्लॅट्समधील आठ ते दहा लोकांना खाली आणण्यात आलं आहे.
आगीची माहिती मिळताच अग्निशमन दलाला पाचारण करण्यात आलं. आगीवर नियंत्रण मिळवण्यासाठी अग्निशमन दलाकडून शर्थीचे प्रयत्न सुरु आहेत. कोथरुडमधील आशिष गार्डनजवळ ही सोसायटी आहे.
