पंकेश जाधव पुणे ब्यूरो चीफ
कोंढवा पोलिस स्टेशन पुणे शहर
पुणे :- कोंढवा परिसरातील मेफेअर सोसायटीजवळील साई मंदिराच्या पाठीमागे मोकळया मैदानात एका 30-35 वर्षीय महिलेचा अर्धवस्त्र अवस्थेतील मृतदेह आढळल्याने प्रचंड खळबळ उडाली आहे. दरम्यान, घटनास्थळी पोहचले असून मृतदेह पुढील तपासणीसाठी ससून रूग्णालयात दाखल करण्यात आल्याचे कोंढवा पोलिसांनी सांगितले आहे.
याबाबत अधिक माहिती अशी की, सोमवारी सकाळी 9 ते 9.30 वाजण्याच्या दरम्यान,
एनआयबीएम रोडवर एका मोकळया मैदानात अर्धवस्त्र अवस्थेतील महिलेचा मृत
असल्याची माहिती कोंढवा पोलिसांना मिळाली. कोंढवा पोलिस ठाण्यातील अधिकारी व कर्मचारी तात्काळ घटनास्थळी दाखल झाले. कोंढव्यातील मेफेअर सोसायाटीजवळील साईबाबा मंदिराच्या पाठीमागे असलेल्या मोकळया मैदानात मृतदेह आढळल्याने परिसरात खळबळ उडाली. पोलसांनी तात्काळ मृतदेह पुढील तपासणीसाठी ससून रूग्णालयात दाखल केला आहे अद्याप ओळख पटलेली नसून ओळख पटविण्याचे काम सुरू आहे. प्रकरणाचा पुढील तपास कोंढवा पोलिस करीत आहेत.
