✒️मंगेश जगताप, मुंबई प्रतिनिधी
महाराष्ट्र संदेश न्युज ! ऑनलाईन पवई/मुंबई:- येथील एक दुर्दैवी घटना समोर येत आहे येथील हिरानंदानी, हेरिटेज टॉवर च्या २१ व्या मजल्यावर ती महिला एका घरात मोलकरीण म्हणून काम करत होती. ती विक्रोळी (पूर्व) रायगड पार्कसाइट या ठिकाणी राहत होती ती कामावर असता तिच्या मालकाने तिला घराची खिडकी साफ करण्यास सांगितले.ती महिला खिडकी साफ करण्या करिता गेली असता तेथून तिचा पाय घसरला आणि ती त्या मजल्यावरून खाली कोसळली त्या ठिकाणी जोराने काहीतरी खाली कोसळण्याचा आवाज ऐकू आला म्हणून तेथील सोसायटीचा वाचमन व तेथील काम करणार्या लोकांनी त्या ठिकाणी धाव घेतली. त्यांनी पाहिले की एक महिला वरून खाली पडलेली आहे.परंतु त्या महिलेचा जागीच पडून दुर्दैवी मृत्यू झाला.
त्या सोसायटीतील वाचमन ने त्या सोसायटी तील प्रमुखाला कळवले असता. त्या सोसायटी प्रमुखाने ताबडतोब तेथील नजीकच्या पोलीस स्थानकात फोन करून कळविले असता. तातडीने पोलीस त्या घटना स्थळी पोहचले व त्यांनी त्या महिलेचे शव आपल्या ताब्यात घेतले.पोलिसांनी मालकाकडे महिलेच्या मृत्यू चे कारण विचारले असता त्यांनी सांगितले की ती महिला खिडकी साफ करीत असता तिचा त्या ठिकाणाहून पाय घसरला आणि ती खालती कोसळली असे त्या तिच्या मालकाने पोलिसांना तिच्या मृत्यूचे कारण सांगितले आहे. तरी त्या महिलेच्या मृत्यू चे कारण अद्याप स्पष्ट झालेले नाही. पोलिस अधिकारी पुढील तपास करीत आहेत.
