नितीन शिंदे, मुंबई महानगर प्रतिनिधी
9892250402
महाराष्ट्र संदेश न्युज ! ऑनलाईन ठाणे, 24 जाने:- ठाण्यामधून एक दुर्दैवी अपघाताची एक धक्कादायक बातमी समोर आली आहे. भरधाव दुचाकीस्वार उड्डाणपुलावरून खाली कोसळ्याची घटना घडली आहे. या अपघातात 2 दुचाकी स्वारांचा दुर्दैवीरित्या जागीच मृत्यू झालाा आहे. या घटनेमुळे सर्वत्र हळहळ व्यक्त करण्यात येत आहे.
प्राप्त माहितीनुसार, ठाण्यातील कॅसलमिल नाका इथं ही घटना घडली. माजीवाडाकडून ठाणे स्टेशनकडे जाताना उड्डाणपुलावर हा अपघात झाला. पहाटे ३ वाजेच्या सुमारास ही घटना घडली. प्रतिक मोरे (वय २१ वर्षे) आणि राजेश गुप्ता (वय २६ वर्षे) अशी मृत तरुणांची नाव आहे.
आपत्ती व्यवस्थापन कक्षामध्ये प्राप्त झालेल्या घटनेच्या माहितीनुसार पहाटे ०३:३० वाजता सुमारास कॅसलमिल नाका, ठाणे (प.) या ठिकाणी माजिवडाकडून ठाणे स्टेशनकडे जात असताना कॅसलमिल उड्डाण पुलावरती टी.व्ही.एसची दुचाकी क्रमांक MH 04 LK 4220 या दुचाकी चालकाचा दुचाकीवरील ताबा सुटल्याने उड्डाण पुलावरील संरक्षण कटड्याला धडकून अपघात झाला होता.
दुचाकी चालकाचा दुचाकीवरील ताबा सुटल्याने उड्डाण पुलावरील संरक्षण कठड्याला धडकून दुचाकीवरून प्रवास करणाऱ्या दोन्ही तरुण उड्डाण पुलावरून खाली पडले. दुचाकीचा जास्त वेग असल्यामुळे दोन्ही तरूण कठड्याला धडक लागल्यानंतर खाली फेकले गेले. या अपघातातील दोन्ही व्यक्तींना राबोडी पोलीस कर्मचारी यांनी रुग्णवाहिकेच्या मदतीने जिल्हा शासकीय रुग्णालयात उपचाराकरिता दाखल केले असता, तेथील डॉक्टरांनी तपासून त्या दोन्ही व्यक्तीना मयत घोषित केले आहे. या घटनेमुळे एकच खळबळ उडाली आहे.
