या कार्यक्रमात वेगवेगळ्या क्षेत्रात उल्लेखनीय कामगिरी करणाऱ्या महिलांचा विशेष सन्मान करण्यात आला
नितीन शिंदे, मुंबई महानगर प्रतिनिधी
9892250402
महाराष्ट्र संदेश न्युज ! ऑनलाईन मुंबई:- शिवसेना प्रमुख बाळासाहेब ठाकरे यांच्या जयंतीदिनाचे औचित्य साधून काल बाळासाहेबांची शिवसेना (शिंदे) पक्षाच्या विद्यमाने आयोजित करण्यात आलेल्या आम्ही बाळासाहेबांच्या लेकी या कार्यक्रमास मुख्यमंत्री एकनाथ शिंदे यांनी उपस्थित राहून जमलेल्या महिला भगिनींसोबत संवाद साधला.
समाजाला अभिप्रेत असलेले सकारात्मक काम महिला माता भगिनींच्या हातून घडताना आपण पाहतो. अनेक कर्तृत्ववान पुरुषांच्या मागे देखील खंबीरपणे उभी असलेली एक स्त्रीच असते. राज्यात नव्याने तयार झालेले युती सरकार हे महिलांना न्याय देणारे सरकार आहे. महिलांना बचत गटाच्या माध्यमातून आर्थिकदृष्ट्या सक्षम करण्यासाठी नक्कीच प्रयत्न करू, राज्यातील महिलांसाठी असलेल्या सगळ्या योजनांचे लाभ हे सरकार आपल्या सर्वांना नक्की मिळवून देईल असेही यावेळी महिला भगिनींना संबोधित करताना मुख्यमंत्री एकनाथ शिंदे यांनी स्पष्ट केले.
आजच्या या कार्यक्रमात वेगवेगळ्या क्षेत्रात उल्लेखनीय कामगिरी करणाऱ्या महिलांचा विशेष सन्मान करण्यात आला असून प्रत्येक क्षेत्रात आजची महिला अग्रेसर असल्याचे हे द्योतक असल्याचे मत याप्रसंगी मुखमंत्री एकनाथ शिंदे यांनी व्यक्त केले.
यावेळी बाळासाहेबांची शिवसेना पक्षाच्या उपनेत्या आशा विचारे- मामेडी, सचिव कॅप्टन अभिजित अडसूळ, सुशांत शेलार, संजय मोरे, अभिनेत्री वर्षा उसगावकर, माजी मंत्री अर्जुन खोतकर, उपनेत्या शिल्पा देशमुख, महिला विभाग संघटक कला शिंदे तसेच बाळासाहेबांची शिवसेना पक्षाच्या सर्व प्रमुख महिला पदाधिकारी आणि सहकारी भगिनी मोठ्या संख्येने उपस्थित होत्या.
