✒️गोंदिया जिल्हा प्रतिनिधी
महाराष्ट्र संदेश न्युज ! ऑनलाईन गोंदिया:- जिल्हातून खळबळजनक घटना समोर आली आहे. रामनगर पोलीस स्टेशनच्या हद्दीत येत असलेल्या सुर्याटोला येथे एका नराधम पती आपल्याच पत्नीसह मुलाला आणि सासऱ्याला पेट्रोल ओतून जिवंत जाळल्याची घटना बुधवारच्या रात्री 1 वाजताच्या सुमारास घडली. या घटनेत आरोपीचा सासरा देवानंद मेश्राम वय 54 वर्ष रा.सुर्याटोला यांचा घटनास्थळीच मृत्यू झाला. तर आरोपीची पत्नी आरती किशोर शेंडे वय 35 वर्ष रा. भिवापूर,ता. तिरोडा व मुलगा जय किशोर शेंडे वय 5 रा.भिवापूर,ता.तिरोडा हा 90 टक्के जळाल्याने त्यांना नागपूर येथील रुग्णालयात उपचाराकरीता हलविण्यात आले आहे. आरोपी जावई किशोर श्रीराम शेंडे वय 40 वर्ष रा.भिवापूर, ता. तिरोडा हा घटनास्थळावरून पसार झालेला आहे.
प्राप्त माहितीनुसार, आरोपी किशोर शेंडे त्याची पत्नी आरती याच्यात हररोज वाद होत असल्याने व किशोर आपल्या पत्नी आरतीला मारहाण करत असल्याने आरती हिने सासर सोडून गेल्या वर्षभरापासून माहेरी सुर्याटोला येथे राहायला आली होती. या दरम्यान पोटापाण्याची सोय व्हावी याकरीता येथील सहयोग रुग्णालयात ती नोकरी करीत होती. घटनेच्या दिवशी जेवण करुन आरोपीचे सासरे देवानंद मेश्राम हे बाहेर व पत्नी व मुलगा आत झोपले असताना आधी सासऱ्याच्या अंगावर पेट्रोल घालून आग लावली. त्यानंतर आरोपी इतक्यावरच थांबला नाही तो आत झोपली असल्याचे पत्नी आरती व मुलगा जय याचा अंगावरही पेट्रोल घालून आग लावून पसार झाला. यात पत्नी आरती व मुलगा जय गंभीररीत्या जळाला त्यांना नागपूर येथील रुग्णालयात उपचाराकरीता दाखल करण्यात आले.
या घटनेने संपुर्ण सुर्याटोला परिसरात हळहळ व्यक्त केली जात आहे. या घटनेचा तपास रामनगर पोलिसांनी सुरू केला आहे. आरोपीचा शोध घेतला जात आहे. आरोपीला लवकरच अटक करण्यात येणार असे रामनगर पोलीस स्टेशनचे पोलीस निरीक्षक यांनी सांगितले.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
