मुकेश शेंडे, सिंदेवाही तालुका प्रतिनिधी
महाराष्ट्र संदेश न्युज ! ऑनलाईन सिंदेवाही:- हजरत बाबा चॉंदशाहवली दरगाह सिंदेवाही परिसरातील खुल्या जागेवर बगीच्या व वृक्षारोपण करण्यास मुख्याधिकारी नगरपंचायत सिंदेवाही लोनवाही यांना संमती प्रदान करण्यात आली.
प्रभाग क्रमांक 15 मधील स्थित असलेली ऐतिहासिक हजरत बाबा चॉंदशाहवली दरगाह परिसरातील खुल्या जागेवर बगीचा व वृक्षारोपण करण्यास हजरत बाबा चांदशाह वली रहेमतुल्ला अलैह उत्सव मंडळ सिंदेवाही च्यावतीने नगर पंचायत सिंदेवाहि लोनवाही ला “माझी वसुंधरा अभियान” कार्यक्रम अंतर्गत प्राप्त निधीद्वारे आपल्या नियोजनानुसार उक्त परिसरात बगीचा व वृक्षारोपण करण्यास परवानगी देण्याचे संमती पत्र देण्यात आले आहे.
सदर संमतीपत्र सिटी कॉर्डिनेटर संदीप कांबळे, स्वच्छता विभाग लिपिक विनोद काटकर यांना हजरत बाबा चॉंदशाहवली र. अ. उत्सव मंडळाचे व्यवस्थापक मंडळाचे पदाधिकारी मो.युनूसभाई शेख, वहाबअली म. सैय्यद, जाहिदखॉ वाहेदख़ान पठाण यांनी आज संमती पत्र स्वहस्ते कार्यालयात प्रत सादर केली. तसेच स्वप्निल कावळे नगराध्यक्ष, मयूर सूचक नगर उपाध्यक्ष, युनूसभाई शेख नगरसेवक यांना सुद्धा प्रतिलीपी देण्यात आली आहे.
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
