डॅनियल अंथोनी, पिंपरी चिंचवड प्रतिनिधी.
महाराष्ट्र संदेश न्युज ! ऑनलाईन पिंपरी ता.१२:- येथून एक खळबजनक घटना समोर येत आहे. जनसेवा विकास समितीचे अध्यक्ष किशोर हिवाळे शुक्रवारी (ता.१२) रोजी हत्या करण्यात आली आहे. दिवसाढवळ्या केलेल्या या हत्येमुळे परिसरात भीतीचे वातावरण निर्माण झाले आहे.
सूत्रांकडून मिळालेल्या माहितीनुसार जनसेवा विकास समितीचे अध्यक्ष विकास आवारे हे शुक्रवार (ता.१२.)रोजी दुपारी साडेबारा ते एक वाजण्याच्या सुमारास तळेगाव दाभाडे नगर परिषदेचे मुख्याधिकारी यांच्या भेटीला आले होते. मुख्यधिकारी यांची भेट घेतल्यानंतर ते निघाले असता अज्ञात चार ते पाच जणांनी त्यांच्यावर जीवघेणा हल्ला केला. दरम्यान या हल्लेखोरांनी पिस्तूल मधून गोळ्या झाडून तसेच कोयत्याने वार करून हा हल्ला केला असल्याची माहिती समोर येत आहे. अचानक घडलेल्या या धक्कादायक घटनेमुळे पिंपरी चिंचवड तसेच मावळ परिसरात खळबळ उडाली.
जनसेवा विकास समितीचे अध्यक्ष विकास आवारे यांना काही समजण्याच्या आत हल्लेखोर हल्ला करून फसल झाले. काही संशयित इसम सीसीटीव्ही फुटेज मध्ये कैद झाले असून पोलीस त्यांचा तपास करीत आहे. रक्ताच्या थारोळ्यात पडलेले किशोर आवारे यांना तातडीने सोमाटणे फाटा येथील रुग्णालयात दाखल करण्यात आले. मात्र उपचारा दरम्यान त्यांचा मृत्यू झाल्याच डॉक्टरांनी घोषित केले.
किशोर आवारे यांच्यावरील हल्ल्याची वार्ता मावळ परिसरात शहरात वाऱ्यासारखी पसरली सोमाटणे फाटा येथील रुग्णालया भोवती सामाजिक कार्यकर्त्यांनी एकच गर्दी केली. या घटनेमुळे मावळ परिसरात तणाव निर्माण झाला आहे. पोलिसांचा मोठा फौज फाटा तळेगाव परिसरात दिसून येत आहे. सोमाटणे टोला नाका बंद करण्यात यावा या मागणीसाठी किशोर आवरे यांनी दोन महिन्यापूर्वी म्हणजे मार्च २०२३ रोजी उपोषण करीत आंदोलन छेडले होते. या आंदोलनाची दखल बांधकाम मंत्री यांनी स्वतः घेऊन ते किशोर आवरे यांना भेटण्यासाठी आले होते. चर्चेदरम्यान हा टोल नाका बंद करण्याबाबत हालचाली सुरू झाले असल्याचे सूत्राकडून माहिती मिळत आहे. ही हत्या आता नेमक्या कोणत्या कारणास्तव करण्यात आली आहे त्याबाबत पोलीस कसोशीने तपास करीत आहेत.
शिरगाव येथील सरपंच यांच्या हत्येनंतर अशाच प्रकारे किशोर आवारे यांच्या हत्या दिवसाढवळ्या करण्यात आली असल्याने पिंपरी चिंचवड परिसरात विशेषतःमावळ भागात नेमकं चाललय तरी काय? असा प्रश्न नागरिकांकडून उपस्थित केला जात आहे.
किशोर आवारे हे शुक्रवारी दुपारच्या वेळेला तळेगाव दाभाडे नगरपरिषद येणार असल्याची पक्की माहिती हल्लेखोरांकडे होती. त्यामुळे ते तळेगाव दाभाडे नगर परिषदेच्या अवतीभवती दबा धरून बसले होते. किशोर आवारे हे नगरपरिषदेचे मुख्य अधिकारी यांना भेटून इमारतीखाली येताच दबा देऊन बसलेल्या या हल्लेखोरांनी त्यांच्यावर हल्ला केला.
