सीमा सुरूशे, वाशिम जिल्हा प्रतिनिधी
महाराष्ट्र संदेश न्युज ! ऑनलाईन मालेगाव;- पोलीस स्टेशन हद्दीतील खवले वेटाळ ते इराळा जाणाऱ्या पांदण रोडवरील शिवारात एका नाल्यात अनोळखी महिलेचा मृतदेह कुजलेल्या अवस्थेत पोत्यात बांधलेल्या सापडल्याने तालुक्यामध्ये खळबळ उडाली असून घटनेची माहिती समजताच मालेगाव पोलीस ठाण्याचे पोलीस निरीक्षक दत्तात्रय आव्हळे यांनी आपल्या पोलीस कर्मचाऱ्यासह घटनास्थळी भेट दिली.
याबाबत सविस्तर माहिती अशी की, दि. 19 मे रोजी 2 वाजताच्या सुमारास खवले वेटाळ ते इराळा जाणाऱ्या पांदण रोडवरील शिवारात एका नाल्यात पांढऱ्या रंगाचा खताच्या पोत्यामध्ये हाडे व मासाचे तुकडे पोत्यात बांधलेल्या अवस्थेत काहींनी पाहिले. याची माहिती मालेगाव पोलिसांना मिळाल्या नंतर पोलिसांनी तातडीने घटनास्थळी धाव घेतली. मृतदेह शवविच्छेदना साठी ग्रामीण रुग्णालयात पाठविला असून अहवाल आल्यावर पुढील माहिती समजणार आहे. मालेगाव पोलिसांनी या प्रकरणी 212/23 क भा.द.वि 302, 201 अन्वये अज्ञात आरोपी विरूध्द गुन्हा दाखल केला आहे. अशी माहिती पोलीस निरीक्षक आव्हाळे यांनी दिली.
ओळख पटविण्याचे आव्हान… घटनास्थळी मृतकाच्या अंगावर आणि आजूबाजूला काही वस्तू मिळून आल्या त्यात, एक निळ्या पांढऱ्या रंगाचे काचेचे चौकोनी मनी असलेले ब्रासलेट, हिरव्या रंगाचा 9 बांगड्या, लाल रंगाचा 2 बांगड्या, एक फिकट पिवळा रंगाचा सलवार ज्यावर गुलाबी रंगाचे फुले व हिरव्या रंगाची पानाची डिजाइन आहे, एक गुलाबी रंगाची कुर्ती, गळ्यात पंचरंगी धागा असे साहित्य मृत्युदेहा बरोबर मिळून आले. याबाबत कुणाला माहिती असेल तर ओळख पटविण्याचे आव्हान पोलिसांनी केले.
काय आहे प्रकरण.. मालेगांव पोलीस स्टेशनच्या हद्दीत दि. 19 मे रोजी साक्षीदार यांनी माहिती दिली की, मालेगांव टाऊन मधील खवले वेटाळा मधुन इराळा कडे जाणाऱ्या पांदण रोड वर एका नाल्याचे शेजारी चेतन राजे याचे शेताचे बांधावर एक पांढऱ्या रंगाचे नीम कोटेड उजाला यरिया 46%N खताचे पोते असुन त्यामधुन दुर्गंधी येत आहे. तसेच त्याचे शेजारी हाडांचे अवशेष पडलेले आहे. वरुन घटनास्थळाची पाहणी केली असता घटनास्थळावरील पोत्यामध्ये असलेले हाडांचे अवशेष व कुजलेले मास तसेच आजु बाजुला पडलेले हांडाचे अवशेष पाहुन सदरचे हाडे व मास हे मानवी असल्याचे सांगीतल्याने वरुन सदर प्रकरणात अज्ञात आरोपी विरुध्द गुन्हा नोंद करण्यात आला आहे. तरी वरील वर्णनाचे स्त्री आपले पो.स्टे. ही मधुन मिर्तीग असल्यास किंवा घटनास्थळावरून मिळुन आलेल्या वस्तु पो.स्टे. मध्ये दाखल असलेल्या मिसींग प्रकरणा सोबत मिळत जुळत असल्यास खालील मोबाईल क्रमांकावर संपर्क साधावा असे आव्हान मालेगाव पोलिसांनी केले. दत्तात्रय आव्हाळे, पोलीस निरिक्षक पोलीस स्टेशन मालेगांव मो. न. 9657019555 गजानन तडसे 9673567002, ASI रवि सैबेवार 9823139289, पोहेकॉ. कैलास कोकाटे 8888692555, नापोकॉ. आशिष विडवे 9561000275
★★★★★★★★★★★★★★★★★★★
आपल्या परिसरातील बातम्या व घडामोडी बघण्याकरीता आजच महाराष्ट्र संदेश न्यूजच्या वेबसाईट www.maharashtrasandesh.com ला भेट द्या. 9766445348/7385445348
