युवराज मेश्राम, नागपूर जिल्हा प्रतिनिधी
नागपूर:- जिल्हातील मोहपा नगर परिषद मध्ये गेल्या दोन वर्षापासून अनेक विकासकामे सुरु आहे. पण दोन वर्ष लोटूनही गावाच्या मध्यभागी मधुगंगा नदीवर असलेल्या मुख्य पुलाचे काम अद्यापही अपूर्णच आहे. याशिवाय अनेक कामे कासवगतीने सुरू आहे. संपूर्ण गाव हे समस्याचे माहेरघर झालेले आहे.
मोहपा शहरातील मुख्य चौकात संविधानाचे शिल्पकार डॉ. बाबासाहेब आंबेडकर यांच्या पुतण्यासमोर कचऱ्याचा ढीग मातीचा ढीग त्याचप्रमाणे घाणीचे साम्राज्य निर्माण झाले आहे. ज्या डॉ. बाबासाहेब आंबेडकरांनी या देशाला घटना दिली त्यात थोर पुरुषांच्या समोर अशी घाण असल्यामुळे राष्ट्रीय सण 15 ऑगस्ट म्हणजे स्वातंत्र्य दिन यावर्षी मोठ्या थाटाने त्या आंबेडकर पुतळ्या जवळ साजरा करू शकले नाहीत. नगरपालिका आहे की, समस्या पालिका असा प्रश्न निर्माण झालेला आहे.
मोहपा येथे अंदाजे दोन वर्षापासून मधुगंगा नदीवर असलेल्या मोठ्या पुलाचे काम सुरु झाले. पण आता जवळपास दोन वर्ष लोटूनही पुलाचे काम अर्धवटच आहे. त्यामुळे जनतेला कमालीचा त्रास सहन करावा लागत आहे. पूल अर्धवट असूनही, हा पूल रहादारीसाठी खुला केलेला आहे. पुलाच्या एका बाजूला मोठा खचका आहे तर दुसऱ्या बाजूला मोठा खड्डा. या खड्ड्यात अनेकदा चारचाकी गाड्या फसतातही व उलटतात सुद्धा. त्यामुळे अनेकजण थोडक्यात बचावले. एखाद्याची प्राणहरी झाली म्हणजे ह्या समस्या नगरपरिषद सोडवणार का असा प्रश्न गावकरी करीत आहे .आतापर्यन्त पुलाचे काम कां रखडले आहे हे कुणालाही ठाऊक नाही. पालिका अधिकारी, कर्मचारी सुस्त असल्यामुळे दोन वर्षाचा कालावधी लोटूनही पुलाचे काम अर्धवटच आहे. या बाबीकडे नगरपरिषद लक्ष देणार का? त्याचप्रमाणे एकात्मिक गृह निर्माण व झोपडपट्टी विकास योजना अंतर्गत 2008 मध्ये स्व. किसन फागुजी बनसोड समाजभवनाचे काम सुरु झाले. या समाजभवनाचे काम पूर्ण करण्याकरिता 9 महिन्याचा कालावधी ठरलेला होता. परंतु हे बांधकाम पूर्ण करण्याकरिता एकूण 9 वर्षाचा कालावधी लागला. परंतु आजपवातो या समाजभवनाचा प्रत्यक्ष लाभ घेण्यापासून जनता मात्र उपेक्षित आहे. समजभवनाभोवती कचऱ्याचे साम्राज्य पसरलेले असून शासनाच्या व जनतेच्या पैश्याचा अपव्यय झालेला आहे.
तरी लवकरात लवकर पुलाचे काम व समाजभवनाची स्वच्छता करून लोकांना त्यांच्या सुविधेकारिता उपलब्ध करून द्यावा अशी मागणी मोहपा नगरिचे माझी नगर सेवक राष्ट्रवादी काँग्रेसचे अध्यक्ष रशीद शेख भिमराव डोंगरे आरपीआय उपाध्यक्ष मुकेश बोरकर व्यापारी आघाडी अध्यक्ष प्रमोद रेवतकर राष्ट्रवादी शहर उपाध्यक्ष वसंता कावडकर मनोज कावडकर सुशांत बागडे शंकर लोखंडे व इतर नागरिक प्रामुख्याने उपस्थित होतेअन्यथा तीव्र आंदोलनाचा इशारा गावातील नागरिकांनी दिलेला आहे.
