संदिप सुरडकर, नागपुर जिल्हा प्रतिनिधी
महाराष्ट्र संदेश न्युज ! ऑनलाईन नागपूर:- नागपूर येथून जिल्हा न्यायालयातून एक खळबळजनक घटना समोर आली आहे. येथील सहाव्या माळ्यावर दोन वकिलांमध्ये झालेल्या वादामुळे जिल्हा न्यायालयात एकच खळबळ उडाली आहे.
नागपुर जिल्हा न्यायालयात दोन वकिलांमधील खुर्चीवरून वाद पेटला. हा वाद इतका विकोपाला गेला की, कनिष्ठ वकिलाने ज्येष्ठ वकिलाच्या डोक्यात खुर्चीने हल्ला केला. जिल्हा न्यायालयातील वकील ॲड. उमरे यांना त्यांच्याच्या हाताखाली काम करणाऱ्या कनिष्ठ वकिलाने डोक्यावर खुर्चीने मारहाण केली. यामध्ये ॲड. उमरे जखमी झाले आहे. त्यांच्यावर तात्काळ न्यायालयामध्ये असलेल्या रुग्णालयातून उपचार करण्यात आले.
प्रत्यक्षदर्शींच्या म्हणण्यानुसार, अधिवक्ता वसंत उमरे त्यांच्या नियुक्त चेंबरमध्ये आले. तिथे आधीच एक कनिष्ठ वकील बसलेला दिसला. हे पाहून अधिवक्ता उमरे भडकले आणि त्यांनी तातडीने कनिष्ठ वकिलाला खुर्ची खाली करण्याचे आदेश दिले. यावर कनिष्ठ वकिलाने नाराजी व्यक्त केली.यानंतर दोन्ही वकिलांमध्ये बाचाबाची झाली.
कोणतीही पूर्वसूचना न देता कनिष्ठ वकिलांनी खुर्ची उचलून वरिष्ठ वकिलाच्या डोक्यावर प्रहार केला. यामुळे ज्येष्ठ वकिलाच्या डोक्याला दुखापत झाली आणि रक्तस्त्राव सुरू झाला. त्यानंतर सहकारी वकिलांनी जखमी ज्येष्ठ वकिलावर तातडीने वैद्यकीय उपचाराची व्यवस्था केली. हल्ल्यातील आरोपी असलेल्या कनिष्ठ वकिलाचे नाव अद्याप उघड करण्यात आलेले नाही.
