संदीप सुरडकर, नागपूर जिल्हा प्रतिनिधी
महाराष्ट्र संदेश न्यूज ! ऑनलाइन नागपूर:- उपराजधानी नागपूर येथील शासकीय वैदकीय महाविद्यालय व रुग्णालय (मेडिकल), गांधी शासकीय वैद्यकीय महाविद्यालय व रुग्णालय (मैयो), शासकीय आयुर्वेदिक महाविद्यालय व रुग्णालयातील एक हजार कोटींचा प्रस्तावित प्रकल्पावर नागपुर येथील जिल्हाधिकारी डॉक्टर विपिन इटनकर यांनी बैठक घेता आढावा घेतला.
मेडिकल महाविद्यालयात झालेल्या बैठकीला मेडिकलचे अधिष्ठाता डॉ. राज गजभिये, मैयो अधिष्ठाता डॉ. संजय बिजवे, आयुर्वेदचे अधिष्ठाता डॉ. सुभाष राऊत यांच्यासह इतर काही निवडक अधिकारी उपस्थित होते. या बैठकीत मेडिकल मध्ये काही प्रकल्पाचे काम पूर्ण झाले तर काही प्रस्तावित आहे. पूर्णपणे झालेल्या प्रकल्पाचे लोकार्पण करायचे आहे. तर प्रस्थापित नवीन कॅन्सर रुग्णालय, विविध वस्तीगृह, पेईग वॉर्ड, निवासी डॉक्टरांसाठी रॅम्प आणि इतरही ५१८ कोटींच्या प्रकल्पाचा समावेश आहे. मेडिकल मधील या सर्व प्रकल्पावर यावेळी सविस्तर चर्चा करण्यात आली. मेडिकल मधील बऱ्याच कामाला लवकरच सुरुवात होणार होणार असून त्याचे भूमिपूजन लवकरच करण्या बाबत चर्चा करण्यात आली.
मैयो रुग्णालयातील सुमारे २५० कोटीचे प्रकल्प, शासकीय आयुर्वेद महाविद्यालयातील सुमारे ३०० कोटींचे प्रकल्पाबद्दलही विचार विमाश्या यावेळी करण्यात आली. आयुर्वेद महाविद्यालयातील एका वस्तीगृहाचे कामही जवळपास पूर्ण झाले आहे. त्यामुळे या वस्तीगृहाच्या लोकार्पणबाबातही चर्चा झाली. मेडिकल मध्ये १०७ कोटी रुपयांच्या प्रकल्पाचें भूमिपूजन. मेडिकल रुग्णालयातील कॅन्सर रुग्णालयासह इतरही वेगवेगळ्या १०७ कोटी रुपयांच्या प्रकल्पांना शासनाकडून प्रशासकीय मंजूर मिळाली आहे. या सर्व प्रकल्पांच्या भूमिपूजन कार्यक्रम उपमुख्यमंत्री देवेंद्र फडणवीस यांच्या हस्ते १४ ते १५ ऑगस्टला करण्याचें शासनाकडून संकेत आहेत. त्यासाठी आवश्यक कारवाई करून तातडीने या कामांना भेट देण्याची सूचना जिल्हाधिकायांनी बैठकीत केल्याची माहिती आहे.
