माजी नगरसेवक ललित चौधरी यांना केले ललीता ताई चौधरी, नगर पंचायत हिंगणाच्या पदाधिकाऱ्यांचा प्रताप !
देवेंद्र सिरसाट, हिंगणा (नागपूर) प्रतिनीधी
महाराष्ट्र संदेश न्युज ! ऑनलाईन नागपुर:- जिल्हातील हिंगणा नगर पंचायत मध्ये स्वातंत्र्य दिनाच्या निमंत्रण पत्रिकेवरून चांगलाच वाद पेटला आहे. हिंगणा नगर पंचायत विरोधात मानहानीचा दावा दाखल करण्यात येणार असल्याच्या वृत्ताने एकच खळबळ माजली आहे.
संपूर्ण देशात 76 वा स्वातंत्र्य दिन मोठ्या उत्साहात साजरा करण्यात आला. पण हिंगणा नगर पंचायतचा भोंगळ कारभारामुळे मानहानीचा दाव्या नामुष्की ओढवली आहे. नगर पंचायत हिंगणा यांनी नुकताच 15 ऑगस्ट स्वातंत्र्य दिन साजरा केला, या कार्यक्रमाला शहरातील विविध मान्यवरांना आमंत्रित करण्यात आले होते, यासाठी नगरपंचायत यांनी निमंत्रण पत्रिका काढल्या होत्या, नगर पंचायत हिंगणाचे माजी नगरसेवक तथा राष्ट्रीय काँग्रेस पक्षाचे हिंगणा शहर अध्यक्ष ललित चौधरी यांनाही निमंत्रण पत्रिका पाठवण्यात आली परंतु या निमंत्रण पत्रिकेत त्यांचे नाव ललित चौधरी असे असुन सुद्धा स्थानिक पदाधिकाऱ्यांनी ललिताताई निळकंठराव चौधरी असा पत्रिकेमध्ये नामोल्लेख केल्याने माजी नगरसेवक ललित चौधरी यांना मानसिक धक्का बसला असुन ते लवकरच या संदर्भात आयोजक व हिंगणा नगर पंचायत नगराध्यक्षा सौ.लता डार्विन गौतम व उपाध्यक्ष अजय शेषरावजी बुधे याबाबत वकीलाशी चर्चा केली असता लवकरच मानहानीचा दावा दाखल करणार असल्याचे त्यांनी सदर प्रतिनिधी सोबत बोलताना सांगितले.
या बाबत नगराध्यक्षा सौ.लता गौतम यांची प्रतिक्रीया जाणून घेतली असता ही बाब कर्मचारी यांच्या नजरचुकीने झाली असू शकते असे त्या म्हणाल्या परंतु या बाबत शहरात ही बाब हेतुपुरस्पर बदनामी करण्याच्या हेतूने केली असल्याची चर्चा आहे. ललित चौधरी ज्या काॅंग्रेस पक्षाचे हिंगण्यात नेतृत्व करतात तो पक्ष आपल्या नेत्याच्या अपमाना बाबत काय भुमिका घेतो याकडे हिंगणा शहरातील नागरिकांचे लक्ष लागून आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 9766445348/7385445348
