लोणीकाळभोर पोलीस स्टेशन, पुणे शहरची कारवाई
दशरथ गायकवाड, पुणे प्रतिनिधी
पुणे:- पोलीस आयुक्त अमिताभ गुप्ता, सो यांनी पुणे पोलीस आयुक्तालयातील परिसरात कायदा व सुव्यवस्थेचा प्रश्न निर्माण होऊ नये त्याचप्रमाणे पुणे शहरातील जनतेचे रक्षण व्हावे तसेच गणेशोत्सव काळात कोणत्याही प्रकारचा अनुचित प्रकार घडु नये त्याचप्रमाणे पुणे शहरातील टोळी गुन्हेगार, बेकायदेशीर धंदे करणारे, अंमली पदार्थ विक्रीचे रॅकेट चालविणारे, पोलीस अभिलेखावरील टोळीतील गुंड, दरोडा, जबरी चोरी, घर फोडी चो-या करणारे तसेच शरीरा व मालमत्ते विरुध्द गुन्हे करणारे व लोकांमध्ये दहशत करणारे सराईत गुन्हेगारांचा शोध घेऊन त्यांचे हालचालींवर नजर ठेवुन त्यांचे विरुद्ध कठोर कारवाई करुन त्यांचे समुळ उच्चाटन करणे याबाबतचा आदेश सर्व पोलीस अधिकारी व अंमलदार यांना दिले आहेत.
सदर आदेशास अनुसरुन सन २०२२ चे गणेशोत्सव काळात लोणीकाळभोर पोलीस स्टेशन कार्यक्षेत्रात कायदा व सुव्यवस्था सुस्थितीत राखणे करीता अभिलेखावरील गुन्हेगारांना चेक करुन त्यांचेवर कारवाई करणे बाबतच्या सुचना वजा आदेश श्री राजेन्द्र मोकाशी, वरिष्ठ पोलीस निरीक्षक, लोणी काळभोर पोलीस स्टेशन, पुणे शहर यांनी पोलीस स्टेशनचे अधिकारी व अंमलदार यांना दिले. त्यानुसार अभिलेखावरील गुन्हेगारांचा शोध घेतला असता रेकॉर्डवरील सराईत गुन्हेगार १. अमित बालाजी सोनवणे वय २६ वर्षे रा. माळी मळा, लोणीकाळभोर, ता. हवेली जि. पुणे २ गणेश बाळू भोसले वय २६ वर्षे रा. माळी मळा, महात्मा फुले नगर, लोणीकाळभोर, ता. हवेली जि. पुणे. ३. करण ऊर्फ सत्या बाळु पांढरे वय २२ वर्षे रा. खंडोबाचा माळ, उरुळी देवाची, ता. हवेली जि. पुणे हे शरिराविरुध्दचे रेकॉर्ड वरील गुन्हेगार गणेशोत्सव काळात गुन्हा करण्याची व त्यामुळे कायदा व सुव्यवस्थेचा प्रश्न निर्माण होऊन गणेशोत्सवाचे आनंदात विघ्न येण्याची शक्यता असल्याने प्रतिभा तांदळे, सहा. पोलीस निरीक्षक, लोणी काळभोर पोलीस स्टेशन पुणे शहर यांनी मा. राजेंद्र मोकाशी वरिष्ठ पोलीस निरीक्षक, लोणीकाळभोर पोलीस स्टेशन, पुणे शहर यांचे मार्गदर्शनाखाली सदर गुन्हेगारांचा फौ. प्र. सं. क. १५१ (३) प्रमाणे प्रस्ताव तयार करुन मा. न्यायालयात सादर केला असता मा. न्यायालयाने सदरचे गुन्हेगारांना गणेशोत्सव कालावधीकरीता येरवडा कारागृह या ठिकाणी स्थानबध्द करण्याचे आदेश पारित केले असुन त्याप्रमाणे सदरचे गुन्हेगारांना येरवडा कारागृह येथे स्थानबध्द करण्यात आले आहे.
सदरची कारवाई मा. पोलीस आयुक्त, श्री. अमिताभ गुप्ता, पुणे शहर, मा. पोलीस सह आयुक्त, श्री. संदीप कर्णीक, पुणे शहर, मा. अपर पोलीस आयुक्त, श्री. नामदेव चव्हाण, पुर्व प्रादेशीक विभाग, पुणे शहर, मा. पोलीस उपआयुक्त, श्रीमती नम्रता पाटील, परि. ०५, पुणे शहर, मा. सहा. पोलीस आयुक्त, श्री बजरंग देसाई, हडपसर विभाग, पुणे शहर यांचे मार्गदर्शनाखाली वरिष्ठ पोलीस निरीक्षक श्री राजेन्द्र मोकाशी, सहा. पोलीस निरीक्षक प्रतिभा तांदळे, पोलीस हवालदार गणेश सातपुते, पोलीस नाईक संदीप धनवटे यांनी केली आहे.