उषाताई कांबळे सांगली शहर प्रतिनिधी
महाराष्ट्र संदेश न्युज ! ऑनलाईन सांगली:- राज्यात मराठा समाजाला आरक्षण मिळावे म्हणून अनेक आंदोलने सुरू आहे. रविवारी सांगलीत मराठा समाजाला आरक्षण मिळाले पाहिजे या मागणीसाठी व अंतरवली सराटी येथे मराठा आंदोलनकर्त्यावर करण्यात आलेल्या लाठीमाराचा निषेध करण्यासाठी भव्य मोर्चा काढण्यात आला.
सांगलीत मराठा क्रांती मोर्चा, सकल मराठा यांच्यावतीने रविवारी भव्य मोर्चाचे आयोजित करण्यात आले होते या मोर्चाला सर्व राजकीय पक्षांचे नेते कार्यकर्ते, सर्व सामाजिक संघटनांनी पाठिंबा देत सहभाग नोंदवला.
विश्रामबाग येथील क्रांतीसिंह नाना पाटील पुतळा व राजमाता जिजाऊ यांना अभिवादन करुन मोर्चाला प्रारंभ झाला. हजारोंचा समुदाय मोर्चात सहभागी झाला असून दोन किलोमीटरच्या मार्गावर विविध संस्था, संघटनांच्यावतीने अल्पोपहार, पाणी व्यवस्था करण्यात आली. राममंदिर चौकामध्ये मोर्चाच्यावतीने एका तरुणीसह पाच युवकांनी आरक्षण मागणीबाबत भाषण केले. यावेळी जिल्हाधिकाऱ्यांना देण्यात आलेल्या निवेदनाचे वाचन करण्यात आले.
