दशरथ गायकवाड पुणे प्रतिनिधी
पुणे,दि.02ऑगस्ट:- शहरात गणेशोत्सव अनुशंगाने सहा पोलीस निरीक्षक भोलेनाथ अहिवळे हे त्यांचे स्टाफसह शिवाजीनगर पोलीस ठाणे हद्दीत मध्ये पेट्रोलिंग करीत असताना पोलिस हवालदार रणजित फडतरे आणि पोलिस हवालदार बशीर सय्यद यांचे बातमीदारा मार्फत बातमी मिळाली की, एक इसम वय अंदाजे २५-२६ वर्षे, अंगात काळ्या रंगाचा शर्ट व निळ्या रंगाची पॅट घातलेला, दाढी वाढलेली हा लाल काळ्या रंगाची पॅशन प्लस बिना चावीची गाडी ढेंगळे पुल येथून मंगला टॉकिजकडे ढकलत ढकलत घेवून जात आहे. अशी माहीती मिळाल्याने सदरची माहिती मा. वरिष्ठ पोलीस निरीक्षक श्री. अरविंद माने शिवाजीनगर पोलीस ठाणे यांना कळविली असता,
त्यांनी सदर ठिकाणी जावून खात्री करून कारवाई करणेबाबत आदेशित केले. त्यानंतर तपास पथकातील अधिकारी सहा. पोलीस निरीक्षक भोलेनाथ अहिवळे हे स्टाफसह सदर ठिकाणी लागलीच रवाना होवुन ढेंगळे पुल ते मनपाचे दिशेने मिळालेल्या बातमीचे अनुशंगाने श्रमिक भवनचे समोर नमुद वर्णनाचा इसम एक गाडी ढकलत नेत असताना दिसला. सदर गाडीचा नंबर पाहता तो एम. एच. १२ सी.एम. ९३१ असा होता. त्याचेकडे त्याचे ताब्यातील गाडीबाबत चौकशी करता तो उडवाउडवीची उत्तरे देवू लागला. त्याचा संशय आल्याने त्यास अधिक विश्वसात घेवून माहीती घेतली असता त्याने आपले नाव आमीर अली वाहबअली शेख,रा. मु.पो. कुमरा ता.कुमरा जि. नॉर्थ २४ परगानास, राज्य – पश्चिम बंगाल पोलीस स्टेशन अशोकनगर असे असल्याचे सांगितले. त्यास त्याचे ताब्यातील गाडीबाबतीत विचारणा केली असता त्याने सांगितले की, सदरची गाडी पुणे महानगरपालिकेसमोरील खुडे ब्रिजच्या सुरुवातीस असणारे अंडा भुर्जीचे हातगाडी शेजारून चोरली असल्याचे सांगितले. याबाबत शिवाजीनगर पोलिस ठाणेकडील गुन्हा अभिलेख तपासला असता शिवाजीनगर पोलीस ठाणे येथे दिनांक ०१/०९/२०२२ रोजी रात्रौ २३/३० वाजता गुन्हा रजि.नं. १३२ / २०२२ भादवि कलम ३७९ प्रमाणे गुन्हा नोंद असल्याचे माहीती प्राप्त झाली..
सदर आरोपीकडुन १५,०००/- किंमतीची मोटार सायकल ताब्यात घेण्यात येवुन शिवाजीनगर पोलिस ठाणेकडील उपरोक्त नमुद गुन्हा २४ तासाच्या आतमध्ये उघडकीस आणला आहे..
सदरची कामगिरी मा. राजेंद्र डहाळे, अपर पोलीस आयुक्त, पश्चिम प्रादेशिक विभाग पुणे शहर, मा. डॉ. प्रियंका नारनवरे, पोलीस उपायुक्त परि-०१, पुणे शहर, मा. रमाकांत माने, सहा. पोलीस आयुक्त विश्रामबाग विभाग पुणे शहर तसेच शिवाजीनगर पोलीस ठाणेचे वरिष्ठ पोलीस निरीक्षक श्री अरविंद माने यांचे मार्गदर्शनाखाली पोलीस निरीक्षक (गुन्हे) विक्रम गौड, सहा. पोलीस निरीक्षक भोलेनाथ अहिवळे, पोलीस अंमलदार गणपत वाळकोळी, अविनाश भिवरे, बशीर सय्यद, रणजित फडतरे, प्रविण राजपुत, रुपेश वाघमारे, अतुल साठे, आदेश चलवादी, यांनी केलेली आहे.
