आशिष अंबादे, वर्धा जिल्हा प्रतिनिधी
8888630841
महाराष्ट्र संदेश न्युज ! ऑनलाईन वर्धा:- राज्य परिवहन महामंडळाच्या नागपूर नांदेड बसचा देवळी येथे अधिकृत थांबा आहे. मात्र थांबा नसल्याचे कारण देत चालक व वाहकाने महाविद्यालयीन विद्यार्थिनीसोबत हुज्जत घातली. वर्धा स्थानकावर अशी अरेरावी झाल्याने मुलींनी संतप्त होत बस थेट पोलीस ठाण्यात नेण्यास भाग पाडत तक्रार नोंदविली.
या प्रकरणी पोलिसांचा अहवाल प्राप्त झाल्यानंतर मंडळाच्या वरिष्ठांनी चौकशी केली. त्यात चालक संजय राजेश मेहेत्रे व वाहक भरत रमेश पराते यांना निलंबित करण्याची कारवाई झाली. संघर्ष मोर्चाचे किरण ठाकरे यांनी विद्यार्थिनींना झालेल्या मनस्तापाची दखल घेत हे प्रकरण उचलून धरले होते. देवळी मार्गे नागपूर किंवा यवतमाळ दिशेने जाणारी प्रत्येक बस देवळी स्थानकात यावी व नंतरच पुढे जावी, अशी मागणी केली.
