उमेश इंगळे अकोला जिल्हा प्रतिनिधी
महाराष्ट्र संदेश न्युज ! ऑनलाईन अकोला:- येथील एक खळबळजनक घटना समोर आली आहे. येथे घरा शेजारी राहणाऱ्या एका नराधम तरुणाने एका 11 वर्षीय अल्पवयीन मुलीवर अत्याचार केल्याची घटनेने संपूर्ण अकोला शहर हादरले आहे. विशेष म्हणजे या नराधम आरोपीने या अल्पवयीन मुलीशी कुटुंबाला धमकी देत अत्याचार केला.
ही संतापजनक घटना समोर येताच सर्वत्र संताप व्यक्त करण्यात येत आहे. अल्पवयीन मुलीवर अत्याचार करणाऱ्या या नराधम आरोपीला पोलिसांनी बेड्या ठोकल्या असून त्यांना न्यायालयात हजर केले असता न्यायालयाने त्याला तीन दिवसांचा पीसीआर देण्यात आला आहे.
काय आहे घटना….
अकोला शहरात एका नराधमाने आपल्या घरा शेजारीच राहणाऱ्या एका 11 वर्षीय मुलीवर बलात्कार केला. मागील अनेक दिवसांपासुन चाकूच्या धाकावर तिला आणि तिच्या कुटुंबाला जीवे मारण्याच्या धमक्या देत बलात्कार करायचा. इतकेच नाही तर हा मुलगा यावरच थांबला नसून त्या चिमुकलीच्या अंगावर सिगारेटचे चटके देऊन तिचे केसही कापले. याबाबत पोलिसांकडे तक्रार दिल्यानंतर या तरुणाला 17 नोव्हेबरला खदान पोलिसांनी अटक करत बलात्कार व पास्को अंतर्गत गुन्हा दाखल केला आहे.
सदर घटनेतील आरोपीला न्यायालयाने 3 दिवसांचा पीसीआर दिला असून या प्रकरणात पोलीस अजून पीसीआर मागणार आहेत. या प्रकरणाची चौकशी करणार असल्याची माहिती उपजिल्हा पोलिस अधीक्षक अभय डोंगरे यांनी दिली आहे. तसेच असून आरोपीला शिक्षा देण्याची मागणी पीडितेच्या वडिलांनी केली आहे. तर पीडित मुलीला बालसुधारगृहा मध्ये पाठवण्यात आले असून तिचे मेडिकलचे रिपोर्ट आल्यानंतर तिच्या हातावर असलेल्या जखमा विषयीचा खुलासा होईल.
