पल्लवी मेश्राम, नागपुर शहर प्रतिनिधी
महाराष्ट्र संदेश न्युज ! ऑनलाईन नागपूर:- शहरातून एक खळबळजनक घटना समोर आली आहे. येथे कर्जाच्या सावकारी फासातून एका महिले आत्महत्या केल्याचे समोर आले आहे. ही घटना समोर येताच संपूर्ण नागपुर शहरात एकच खळबळ उडाली आहे.
नागपूर शहरातील वाडी पोलिस स्टेशनच्या हद्दीत येणाऱ्या आठवा मैल परिसरात सावकारा कडून सतत होत असलेल्या त्रासाला कंटाळून कीर्ती राहुल मेश्राम वय 28 वर्ष या विवाहित महिलेने गळफास घेऊन आत्महत्या केली. आईने गळफास घेतल्याने वर्षभराची चिमुकलीचे मातृछत्र हरवले आहे. त्यामुळे परिसरातील नागरिकात हळहळ व्यक्त करण्यात येत आहे. यावेळी महिलेला छळणाऱ्या सावकार महिलेविरुद्ध कठोर कारवाई करण्याची मागणी कुटुंबीयांनी केली आहे.
आत्महत्या केलेल्या कीर्ती राहुल मेश्राम ही महिला मंडपे ले आउट वॉर्ड क्रमांक 3 येते भाड्याने रूम घेऊन आपल्या पती व एक वर्षाच्या मुलीसह राहत होती. मृतक महिलेने परिसरात राहणाऱ्या ओळखीच्या महिलेकडून काही दिवसाअगोदर 30 हजार रुपयांचे कर्ज घेतले होते. या रक्कमेवरील व्याज वाढत गेले. कर्ज देणारी महिला सावकार वारंवार तिच्या घरी पैशाची मागणी करीत होती. आज सकाळी पुन्हा ती महिला घरी आली. वाद घातला. काही वेळाने कीर्तीने मुलीला जवळच राहणाऱ्या आई-वडिलांकडे सोडले व परत घरी येऊन दुपारी 3.00 वाजताच्या सुमारास छताच्या हुकला ओढणीच्या साहाय्याने गळफास घेऊन आत्महत्या केली.
घटनेची माहिती पती राहुल मेश्राम व पोलिसांना देण्यात आली. माहिती मिळताच पोलिस पथक घटनास्थळी पोहचले आणि मृतदेहाचा पंचनामाकरून मृतदेह उत्तरीय तपासणीसाठी नागपूर येथील शासकीय रुग्णालयात पाठविण्यात आला. या घटनेचा पुढील तपास पोलिस करीत आहे.
आपल्या परिसरातील बातम्या करीता आजच संपर्क साधावा प्रशांत जगताप संपादक 7385445348
