गडचिरोली जिल्हाधिकारी यांना कारवाई साठी निवेदन.
विश्वनाथ जांभूळकर एटापल्ली तालुका प्रतिनिधी
महाराष्ट्र संदेश न्युज ! ऑनलाईन गडचिरोली:- जिल्हातील एटापल्ली येथून एक खळबळजनक माहिती समोर आली आहे. येथे शासनाकडून गरोदर माता, स्तनदा माता यांना देण्यात येणाऱ्या अमृत आहार व स्थानिक आहारा पासुन शेकडो महिला वंचीत आहे.
मार्च २०२३ पावतो एकात्मीक बाल विकास प्रकल्प कार्यालय एटापल्ली कडुन गरोदर माता, स्तनदा माता व स्थानिक आहर नियमीत सुरळीत सुरु होता व नंतर एप्रिल २०२३ पासुन हस्तांरण करण्यात आले. एप्रिल २०२३ पासुन सदर योजना एकात्मीक बाल विकास प्रकल्प अधिकारी (नागरी) गडचिरोली यांना सोपविण्यात आला असुन सदर योजनेत एकुण १३ (तेरा) अंगणवाडया असुन हया नगर पंचायत एटापल्लीच्या कार्यक्षेत्रात येत आहेत. या अंगणवाडयामध्ये गरोदर माता १०३, स्तनदा माता ९९ व स्थानिक आहार योजनेचे वयोगट ३ ते ६ चे लाभार्थी १०८० तसेच सदर लाभार्थी लाभापासुन वंचित असुन कुपोषणाकडे वाटचाल सुरु आहे.
हया बाबीला सर्वश्री जबाबदार एकात्मीक बाल विकास प्रकल्प अधिकारी (नागरी) गडचिरोली हे असुन ते दुर्लक्ष करित असुन बुध्दीपरस्पर व जानुन बुजुन लाभार्थ्याना वंचित ठेवलेले आहे. करिता सबंधितावर दंडात्मक कार्यवाही करुन लाभापासुन वंचितांना लाभ मिळण्याकरिता आपल्या कडुन योग्य कार्यवाही करावी व वंचितांना लाभ प्राप्त करुन दयावी असे निवेदन गडचिरोली जिल्हाधिकारी यांना नगर पंचायत एट्टापल्लीचे बांधकाम सभापती यांच्या वतीने देण्यात आले आहे.
