मुकेश चौधरी कार्यकारी संपादक
महाराष्ट्र संदेश न्युज ! ऑनलाईन हिंगणघाट:- मागील अनेक दिवसापासून हिंगणघाट तालुक्यातील जनता हिंगणघाट येथे शासकीय वैद्यकीय महाविद्यालय व्हावे म्हणून वेगवेगळ्या प्रकारे आंदोलन करत आहे. पण सत्ताधारी पक्षाच्या नेत्यांनी आणि प्रशासनाने अजून पर्यंत काही हालचाली केल्या नसल्यामुळे हिंगणघाट शहरात शासन आणि प्रशासन यांच्या विरोधात मोठ्या प्रमाणात असतोष निर्माण झाला आहे.
महाराष्ट्र शासनाने वर्धा जिल्ह्यात घोषित केलेले वैद्यकीय महाविद्यालय हिंगणघाट मतदार संघात सुरु करण्यात यावे या मागणी साठी आज दि 14 नोव्हेबरला नागपूर येथे सुरु असलेल्या हिवाळी अधिवेशनात विधान सभेवर भव्य मोर्चा काढण्यात येणार असून याठिकाणी यशवंत स्टेडियम येथे श्याम इडेपवार हे आमरण उपोषणाला बसणार असून अन्य कार्यकर्ते साखळी उपोषणास बसणार असल्याची माहिती मेडिकल कॉलेज संघर्ष समितीने दिली आहे.
यासंदर्भात या आंदोलकांच्या नेत्यांनी दिलेल्या माहितीनुसार, इंडियन मेडिकल काउंन्सीनेंवर्धा जिल्ह्यात जाहीर केलेले मेडिकल कॉलेज हिंगणघाट मतदार संघात व्हावे यासाठी येथे मागील सात महिन्यापासून सर्वपक्षीय धरणे आंदोलन लोकशाही मार्गाने सुरु आहे. परंतु शासन मात्र या मतदार संघातील न्यायचित मागणी कडे दुर्लक्ष करीत आहे. या पूर्वी विशाल मोर्चा, सामाजिक कार्यकर्ते श्याम इडेपवार यांनी केलेले आमरण उपोषण, व लोटांगण आंदोलन द्वारे प्रशासनाचे लक्ष वेधून घेतले आहे. परंतु शासन जनतेच्या मागणीकडे दुर्लक्ष करीत आहे.
यापूर्वी रा का चे नेते जयंत पाटील यांनी विधानसभेत या प्रश्नावर सरकारचे लक्ष वेधले होते. त्यावेळी उपमुख्यमंत्री ना. फडणवीस यांनी मंत्रीमंडळांची उपसमिती याबाबत अंतिम निर्णय घेण्यात येणार असल्याचे जाहीर केले होते. परंतु त्या घटनेला सहा महिने होऊनही अद्याप पावतो मंत्रिमंडळ उपसमितीने कोणताही निर्णय घेतलेला नाही.
सरकारचे लक्ष याकडे वेधण्यासाठी नागपूर येथे सुरु असलेल्या विधानसभेच्या अधिवेशनात कृती समितीने एका धडक मोर्चाचे आयोजन केले आहे. यांचवेळी आमरण व साखळी उपोषण करण्यात येणार आहे. आमरण उपोषणासाठी श्याम ईडेपंवार व साखळी उपोषणाला सुरेंद्र टेंबूरणे, सुनील पिंपलकर, वासुदेव पडवे, अक्षय बेलेकर हे बसणार आहेत.
शासनाने जनभावनेची त्वरित दखल घेऊन हिंगणघाट शहरात मेडिकल कॉलेजची त्वरित घोषणा करावी अन्यथा या पेक्षा तीव्र आंदोलन छेडण्यात येईल असा इशारा संघर्ष समितीचे मा आमदार राजू तीमांडे, माजी नप अध्यक्ष पंढरीनाथ कापसे, माजी नगरसेवक राजेंद्र खुपसरे, सतीश धोबे, प्रकाश अनासाने,मनिष देवढे, सुरेंद्र बोरकर, श्याम इडेपवार, सुनील हरबुडे, कृती समितीचे सुनील पिंपलकर, रामभाऊ पडवे, अक्षय बेलेकर, सुरेंद्र टेंबूरणे, कामगार नेते आफताब खान, माजी नगरसेवक सौरभ तिमांडे, यांनी दिलेला आहे.